अंग्रेजी माध्यम स्कूल माॅडल स्कूल के रूप म होही विकसित

सबो आवश्यक तैयारि सुरु

मुंगेली 18 जून 2020// कलेक्टर श्री पी. एस. एल्मा के अध्यक्षता म कल जिला कलेक्टोरेट स्थित मनियारी सभा कक्ष म ये शिक्षा सत्र ले जिला मुख्यालय के दाऊपारा स्थित उत्कृष्ट अंग्रेजी माध्यम स्कूल शासकीय उच्चतर माध्यमिक विद्यालय के संचालन बर नगर के जनप्रतिनिधि अउ मीडिया प्रतिनिधि के बैठक होइस । बैठक म प्रमुख रूप ले राज्य शासन के स्कूल शिक्षा विभाग के सचिव द्वारा दिये गय निर्देश के अनुरूप वर्तमान में संचालित हिन्दी माध्यम के प्राथमिक, पूर्व माध्यमिक अउ हायर सेकेण्डरी स्कूल में अध्ययनरत लइका ल मुंगेली शहर या आस-पास के शासकीय स्कूल म स्थानांतरित करे जाय बर आवश्यक विचार विमर्श करे गिस। उपस्थित जनप्रतिनिधि अउ मीडिया प्रतिनिधि ले सुझाव प्राप्त करे गिस। बैठक म कलेक्टर श्री एल्मा ह कहिन् कि अंग्रेजी माध्यम स्कूल ल जिला के माॅडल स्कूल के रूप म विकसित करे बर सब आवश्यक तैयारि प्रारंभ कर दीये गय हे। गुणवत्तापूर्ण शिक्षा बर शिक्षक मन ल आवश्यक प्रशिक्षण दिये जही। जिला शिक्षा अधिकारी श्री जी.पी.भारद्वाज ह बताइन कि विद्यालय म प्रवेश प्रक्रिया 20 जून ले प्रारम्भ होही। एखर साथ ही 15 जुलाई ले सबो कक्षा के वर्चअल कक्षा प्रारंभ हो जही। अंग्रेजी माध्यम स्कूल बर शासन स्तर ले प्राचार्य के नियुक्ति कर शिक्षक के स्थानांतरण करे गय हे। आवश्यकतानुसार शिक्षक के संविदा भर्ती बर प्रक्रिया प्रारंभ कर दीये गय हे। बैठक में प्रमुख रूप ले नगर पालिका मुंगेली के अध्यक्ष श्री संतूलाल सोनकर, उपाध्यक्ष श्री मोहन मल्लाह, पार्षद श्री रोहित शुक्ला, मीडिया की ओर से श्री योगेश शर्मा, श्री प्रशांत शर्मा, श्री सैयद वाजिद, श्री निखिलेश लाल, श्री नईम खान सहित जिला मिशन समन्वयक श्री व्ही.पी.सिंह, एमआईएस प्रशासक श्री ए.के. सोनी, प्राचार्य श्री रजनीश उपाध्याय, खण्ड स्त्रोत समन्वयक मुंगेली श्री डी.सी.डाहिरे उपस्थित रहिंन।