रायपुर, मुख्यमंत्री श्री भूपेश बघेल ह नवरात्रि के अवसर म पाटन ब्लॉक म विराजित देवी मन के दर्शन करके अऊ पूजा अर्चना करिन। उमन पाटन म मां महामाया, सोनपुर म ज्वाला देवी अऊ अग्रेसर म डिडनेश्वरी देवी के दर्शन करिन। एखर संगेच उमन ग्राम कौही म मां काली के दर्शन करिन। ये मौका म मुख्यमंत्री ह अपन संबोधन म कहिन कि नवरात्रि के पवित्र अवसर म आप मन के बीच उपस्थित होय हंव। ये मोर बर हार्दिक खुशी के अवसर ये। देवी मां के अपार कृपा छत्तीसगढ़ म रहे हे। नवरात्रि के ये पावन अवसर म आज देवी के आशीर्वाद लेहे आए हंव। ये मौका म मुख्यमंत्री ह ग्राम आगेसरा म गांव वाले मन ल संबोधित घलोक करिन। मुख्यमंत्री ह अपन संबोधन म कहिन कि ग्रामीण विकास के योजना मन के माध्यम ले छत्तीसगढ़ सरकार ह तेजी ले ग्रामीण क्षेत्र मन के सूरत बदले के दिशा म काम करे हे। एखर खातिर हमन परंपरागत अऊ आधुनिक साधन अपनाये हन। किसान मन ल मजबूत करे बर राजीव गांधी किसान न्याय योजना अऊ गोधन न्याय योजना के माध्यम ले बड़े काम करे हन। एकर लाभ दिखत हे, सिंचाई के अवसर बर काम करे गए हे। किसान मन के चेहरा म खुशहाली लाना अऊ ग्रामीण विकास करना हमर पहली प्राथमिकता हे। ये दिशा म हम काम करे बर प्रतिबद्ध हवन। मुख्यमंत्री ह ये बेरा म मां के दर्शन करके प्रदेश के खुशहाली के कामना घलोक करिन।
अगेसारा म मुख्यमंत्री ह माँ डिडनेश्वरी के करिन दर्शन, सोनपुर म मां ज्वाला के करिन दर्शन
