Site icon हांका – Chhattisgarhi News

अनीता, श्यामबती, केदार अऊ विवेक ल मंत्री डॉ. डहरिया ह दीस बैटरीयुक्त ट्रायसायकल

रायपुर, नगरीय प्रशासन विकास अऊ श्रम मंत्री डॉं. शिवकुमार डहरिया ह रायपुर जिला के आरंग विकासखंड मुख्यालय म अपन जनसंपर्क दौरा के बेरा म क्षेत्र के हितग्राही मन ल बैटरीयुक्त ट्रायसायकल प्रदान करिस। ट्रायसायकल मिले म हितग्राही मन म अपार खुशी रहिस। दिव्यांग हितग्राही मेहनत-मजदूरी करथें। अब इमन ल काम म जाना अऊ आसान हो जाही।
समाज कल्याण विभाग के कृत्रिम अंग अऊ सहायक उपकरण प्रदाय योजना के तहत मंत्री डॉ. डहरिया ह दिव्यांग अनिता बेल्दार, पिता फागूलाल बेल्दार भण्डारपुरी, श्यामबती ध्रुव, पिता फूलसिंह ध्रुव गुमा, अमेठी ले केदार यादव, पिता भगेलू यादव, अनिता चंद्राकर, पिता कृष्णा चंद्राकर अऊ विवेक कुमार, पिता राजकुमार मिरी ग्राम डूमहा ल ट्रायसायकल प्रदान करिस। ये बेरा म नगर पालिका अध्यक्ष चंद्रशेखर चंद्राकर, कोमल सिंह साहू, भारती देवांगन, खिलेश देवांगन आदि के उपस्थिति रहिस।

Exit mobile version