अब नल ले पानीच न हीं वोकर से होए लगीस खुसी के बरसात

कोरबा 09 जुलाई 2024। बरसात के महीना म आसमान ले पानी तो बरसय तभो ले सियनहिन गणेशों बाई बूँद-बूँद बर मोहताज रहिस। गणेशों बाई अऊ गाँव के अधिकांश मनखे मन ल गर्मी के दिन म घलोक अइसनहे समस्या ले भुगतना परत रहिस। बरसात म मतलहा नाला के पानी ले काम चलाना परत रहिस अऊ गर्मी के दिन म पानी सूख जाय ले दूर-दूर तक पानी के तलाश म भटकना परत रहिस। अइसन कई चुनौती घलोक आईस के बरसात के दिन म जान जोखिम म डालके बिछहहा पखरा के बीच पानी लाए ल जाए ल परत रहिस। अब गाँवे म जल जीवन मिशन अऊ क्रेडा के माध्यम ले सोलर ड्यूल पम्प लग गए हे अउ गणेशों के घर नल लग गय  हे। ए नल ले ओखर बरसाती आफत खतम होए के संग नल ले पानी मिले के संग खुसी  के बरसात घलोक होए लगे हे।