- जिला पंचायत सीईओ ह निरीक्षण के समय बैंक सखि मन के बढ़ाइन हौसला
अम्बिकापुर 20 अप्रैल 2020। कोविड-19 के संक्रमण के फैलाव के रोकथाम बर लगाए गए लॉकडाउन के बेरा म जिला के बैंक सखी गांव वाले मन के घर-घर जाके पेंशन अऊ मनरेगा के भुगतान करत हें। लॉकडाउन अवधि म ही अपन पारा-मोहल्ला म 2 करोड़ 22 लाख रूपिया के भुगतान 55 पेंशन बैंक सखी मन करे हें। पेंशन अऊ मजदूरी भुगतान ले गांव वाले मन के चेहरा म ख़ुशी के लहर दउंड़त हे।
कलेक्टर डॉक्टर सारांश मित्तर के निर्देश के मुताबिक जिला पंचायत के मुख्य कार्यपालन अधिकारी श्री कुलदीप शर्मा ह सनिवार के जनपद पंचायत अंबिकापुर अउ जनपद पंचायत लुण्ड्रा के दूरिहा के ग्राम पंचायत मन म बैंक सखी के माध्यम ले होत वित्तीय लेनदेन के जांच करिन। अम्बिकापुर जनपद के ग्राम पंचायत क्रांति प्रकाश पुर के बीसी सखी श्रीमती फगनी सिंह कोति ले पंचायत भवन म मनरेगा मजदूरी, किसान सम्मान निधि योजना अऊ सबो प्रकार के पेंशन के वितरण करे जात हे। श्रीमती फगुनी सिंह ह लॉकडाउन बेरा म 7 ग्राम पंचायत म 6 लाख 7 हजार रूपिया के वित्तीय लेनदेन अउ 57 पेंशन धारी मन ल 50 हजार 300 रूपिया के राशि के पेंशन भुगतान करे गए हे। अइसनहे जनपद पंचायत लुण्ड्रा के अंतर्गत ग्राम पंचायत रघुनाथपुर के बीसी सखी श्रीमती सुधा देवी ह 5 लाख रूपिया के वित्तीय लेनदेन अउ 135 पेंशन धारी मन ल 1 लाख 64 हजार 4 सौ रूपिया के राशि के भुगतान करे गए हे। श्री शर्मा ह बीसी सखी मन के काम ल उत्कृष्ट बतात उंखर हौसला अफजाई करिन अऊ प्रोत्साहन स्वरूप ओ मन ल कोविड-19 सुरक्षा किट प्रदान करिन।
जानबा हे के लॉकडाउन के विषम हालत म बैंक म लगइया लंबा-लंबा लाइन ल कम करे म बीसी सखी अपन महती भूमिका निभावत हें। खुद लॉकडाउन के निर्देश अऊ फिजिकल डिस्टेंस के अनुपालन करत गांव वाले मन म जागरूकता के प्रसार करत हें। गांव-गांव जाके मनखे मन ल फिजिकल डिस्टेंस अऊ स्वच्छता के महत्व समझाए म घलोक इंकर महत्वपूर्ण योगदान हे।
मुंगेली 20 अप्रैल 2020। सहायक आयुक्त आबकारी ले मिले जानकारी म जिला म संचालित 09 देशी दारू अउ 06 विदेशी दारू के कुल 15 दारू दुकान म सक्लाय दारू के खाली शीशी अउ खाली कार्टून ल बेचे बर , विक्रय दर बुलाय बर वित्तीय वरष 2020-21 म 31 मार्च 2021 तक ले दूसरा ठेका निकले हे। अलग अलग ठेका लेवैया ब सीलबंद लिफाफ म दिनांक 08 मई 2020 के मंझनिया 12 बजे तक निर्धारित शर्त के अनुसार तकनीकी शर्त अउ प्राईस बिड युक्त मुहरबंद लिफाफ म अलग अलग निविदा ले सकत हावयं। निविदा प्रपत्र के मूल्य 1 हजार रूपया निर्धारित करे गे हे। 08 मई 2020 के संझा बेरा म 04ः00 बजे निविदा खोले जाही। सबले जादा रेट वाले ल स्वीकार करे जाहि। समयावधि के बाद मिले निविदा म विचार नई करे जावय। निविदा शर्त ल देखे बर अउ जानकारी चाही त कार्यालय जिला आबकारी अधिकारी सह प्रबंधक सी.एस.एम.सी.एल. मुंगेली ले कार्यालयीन समय म लिये जा सकत हे।