आदिम जाति मंत्री ह प्रयास आवासीय कन्या विद्यालय रायपुर के करिन उदुपहा जांच

रायपुर 02 फरवरी 2024। आदिम जाति, अनुसूचित जाति, आन पिछड़ा वर्ग अउ अल्पसंख्यक कल्याण मंत्री श्री रामविचार नेताम ह आज राजधानी रायपुर के गुढ़ियारी स्थित प्रयास आवासीय कन्या विद्यालय के उदुपहा जांच करिन। उमन आवासीय विद्यालय के एक-एक कक्ष के अवलोकन करिन। उमन ए बेरा म आवासीय विद्यालय के भोजन कक्ष के घलोक निरीक्षण करिन। उमन लइका मन बर तियार भोजन ल चिख के गुणवत्ता के परीक्षण करिन अऊ भोजन व्यवस्था म जरूरी सुधार के निर्देश अधिकारी मन ल दीन। ए बेरा मंत्री श्री नेताम ह लइका मन ले कम्प्यूटर लैब के मांग म तुरंते नवा कम्प्यूटर लैब के स्वीकृति प्रदान करिन।
मंत्री श्री नेताम ह लइका मन म खेल गतिविधि ल बढ़ावा देहे बर लउहेच खेल सामान देहे ल कहिन। उमन ए बेरा म आवासीय विद्यालय परिसर म बॉस्केट बॉल कोर्ट बनाए के स्वीकृति घलोक प्रदान करिन। एखर अलावा पढ़ईया लईका मन म सांस्कृतिक गतिविधि ले जुड़ाव बर विद्यालय म जल्दी संगीत-उपकरण उपलब्‍ध कराए के निर्देश अधिकारी मन ल दीन।
मंत्री श्री नेताम केजांच के बेरा म चर्चा म अधिकारी मन ह बताइन कि प्रयास आवासीय कन्या विद्यालय रायपुर म पिछले सरकार ह अल्पसंख्यक अऊ सामान्य वर्ग बर 10-10 सीट आरक्षित करे हे, जेन हर साल खाली रहत हे। मंत्री श्री नेताम ह ए बात म कहिन कि सीट खाली नइ जाना चाही, कहूं ए वर्ग के विद्यार्थी नइ मिलत हे त जरूरतमंद अनुसूचित जनजाति, अनुसूचित जाति अऊ आन पिछड़ा वर्ग के पढ़ईया लईका मन ल चक्रिय अऊ मेरिट क्रम म एडमिशन देहे जाय। ए बेरा म आदिम जाति कल्याण विभाग के सहायक आयुक्त संग शिक्षक अऊ विद्यार्थी मौजूद रहिन।