आरडीए के कमल विहार योजना के भूखण्ड मन के होइस रिकार्ड बिक्री

रायपुर, 13 फरवरी 2021। मुख्यमंत्री श्री भूपेश बघेल के सियानी म राज्य सरकार कोति ले जनसामान्य ल राहत पहुंचाए के उद्देश्य ले जमीन के बाजार मूल्य (गाइड लाइन दर) म 30 प्रतिशत के कमी अऊ पंजीयन शुल्क म रियायत अऊ छोटे भूखण्ड मन के क्रय-विक्रय म लगे प्रतिबंध ल हटाए के चलते राज्य भूखण्ड अऊ मकान मन के पंजीयन म तेजी आए हे। रायपुर विकास प्राधिकरण के कमल विहार योजना ल एखर चलते अच्छा प्रतिसाद मिले लगे हे। बीते 12 फरवरी के निविदा के संग 118 भूखण्ड के बिक्री ले रायपुर विकास प्राधिकरण ल 52 करोड़ रूपिया के राशि प्राप्त होए हे, जऊन अपन आप मन म भूखण्ड मन के बिक्री के रिकार्ड हे। कमल विहार योजना के कुल 118 भूखण्ड बेंचाईस जेमां 108 भूखण्ड व्यावसायिक, 9 आवासीय, एक भूखण्ड सार्वजनिक/अर्द्धसार्वजनिक उपयोग के भूखण्ड सामिल हे। कमल विहार योजना म एक संग अतीक भूखण्ड मन के बिक्री अऊ एखर से मिलईया 52 करोड़ रूपिया के राशि अपन आप म एक रिकार्ड हे।