इंजीनियरिंग कॉलेज के पढ़ईया लईका मन ह दीन स्वच्छता के संदेश

रायपुर, 28 जुलाई 2018। राजधानी रायपुर के सेजबहार स्थित शासकीय इंजीनियरिंग कॉलेज के पढ़ईया लईका मन ह अपन कॉलेज के साफ सफाई करिन। ए छात्र-छात्रा मन ह ग्राम सेजबहार म घर-घर जाके कचरा सकेल के स्वच्छता के संदेश दीन अऊ गांव वाले मन ल अपन आसपास के परिवेश ल स्वच्छ बनाये रखे बर जागरुक करिन।
शासकीय इंजीनियरिंग महाविद्यालय रायपुर के प्राचार्य ह आज इहां बताइस कि भारत सरकार कोति ले चलाये जात स्वच्छ भारत समर इंटर्नशिप 2018 म महाविद्यालय के 50 छात्र छात्रा मन ह अपन पंजीकरण कराए हें। ए पढ़ईया लईका मन ह स्वच्छता के 100 घण्टा काम करे बर ग्राम पंचायत सेजबहार अउ दतरेंगा ल चुने हें। प्रभारी अधिकारी श्री डी.के मरकाम के मार्गदर्शन म पाछू दिनन म संस्था के छात्र-छात्रा मन के अलग-अलग टीम बनाके कई ठन वार्ड मन म अभियान चलाके अऊ घर-घर जाके सूखा अउ गीला अपशिष्ट (कचरा) प्रबंधन के जानकारी देहे गीस अउ सबो सार्वजनिक स्थान मन के सफाई करिन। उमन प्राथमिक स्कूल सेजबहार के लइका मन ल घलोक स्वच्छता बर प्रेरित करिन।

एहू ल पढ़व ..  आदिवासी साहित्यकार मन के तीन दिन के संगोष्ठी : राष्ट्रीय आदिवासी नृत्य महोत्सव उपर होही गोठ-बात

लउछरहा..