उद्योग विभाग के प्रदर्शनी बनिस आकर्षण के केन्द्र : एप के माध्यम ले जीवन ल आसान अऊ बनेच बनाए के लाईव प्रदर्शन

रायपुर, राज्योत्सव स्थल सांइस कॉलेज मैदान म उद्योग विभाग कोति ले लगाए गए प्रदर्शनी मनखे मन के ध्यान अपन तरफ आकर्षित करत हे। छत्तीसगढ़ राज्य के नवा औद्योगिक नीति एक नवम्बर ले चालू होके 31 अकटूबर 2024 तक प्रभावशील रइही। एमां स्थापित होवइया उद्योग मन ल प्रमुख अनुदान सहायता अऊ खाद्य प्रसंस्करण मिशन के अंतर्गत स्थापित इकाई म ल मिलइया वित्तीय सहायता अनुदान अऊ कई ठन योजना मन ल प्रदर्शित करे गए हे।
प्रदर्शनी म ‘‘करणम’’ एप के संबंध म जानकारी दिए जात हे। ये एक टाइम सेलिंग एप हे। एखर अंतर्गत आप मन अपन फोन म ऐला डाउनलोड करव। बड़े शहर मन के तर्ज म राजधानी रायपुर म हुनरमंद मनखे मन ल हुनर के सही दाम देवाए बर मोबाइल म करणम एप डाउनलोड करना होही। ये सुविधा के लाभ उठाए बर अपन काम ले संबंधित जानकारी भरना हे अऊ अपन काम के प्रति घंटा रेट तय करके रूचि के अनुसार काम चुनना हे।