उपमुख्यमंत्री श्री विजय शर्मा के हुकुम के होइस तुरंते पालन

ग्राम नवागांव म आयोजित भेट मुलाक़ात के समय गांव वाले मन ह शौचालय निर्माण के रखे रहिन मांग, गाव म लगाए जाही शिविर
ग्राम नवागांव म 8 सितमबर के लगाए जाही शिविर

रायपुर, 07 सितंबर 2024। प्रदेश के उपमुख्यमंत्री श्री विजय शर्मा आज सहसपुर लोहारा विकासखंड म आयोजित कई ठन कार्यक्रम मन म सामिल होइन अऊ ग्रामीण जन ले भेट मुलाक़ात करके सीधा गोठ-बात करिन। ग्राम नवागांव म आयोजित भेट मुलाक़ात के समय गांव वाले मन ह उपमुख्यमंत्री श्री शर्मा ल ग्राम पंचायत नवागांव म स्वच्छ भारत मिशन (ग्रामीण) अंतर्गत व्यक्तिगत शौचालय निर्माण के माँग करिन। उपमुख्यमंत्री श्री शर्मा ह गांव वाले मन के माँग उपर तुरंत संज्ञान लेके जनपद सीईओ ल व्यक्तिगत शौचालय निर्माण बर शिविर आयोजन करे निर्देशित करिन।

उपमुख्यमंत्री श्री विजय शर्मा के निर्देश के पालन करत मुख्य कार्यपालन अधिकारी जनपद पंचायत सहसपुर लोहारा ह ग्राम नवागांव म व्यक्तिगत शौचालय निर्माण बर 08 सितंबर ल शिविर आयोजन करे खातिर  अधिकारी मन के ड्यूटी लगाए हे। मुख्य कार्यपालन अधिकारी जनपद पंचायत सहसपुर लोहारा ह बताइस के उपमुख्यमंत्री श्री शर्मा के देहे गे निर्देश के परिपालन म श्री कंवल प्रसाद शर्मा सहा.आं.ले.परी. अउ करा. अधिकारी ज.प.स. लोहारा ल नोडल अधिकारी नियुक्त करे गए हे। एखर संगेच तकनीकी सहायक श्री नरेंद्र तोडेरे, ब्लॉक समन्वयक श्री उत्तम कुमार साहू, सचिव श्री मेघराज श्रीवास, अऊ रोज़गार सहायक श्रीमती रोहणी मरकाम ल सहायक नोडल अधिकारी नियुक्त करे गए हे।