उद्यान म झाड़ू लगाके सफाई करिन, स्वच्छता दीदी मन ल बांटिन किट अउ साड़ी
श्री साव ह पंडित दीनदयाल उपाध्याय के जयंती म ओ मन ल करिन नमन
बिलासपुर, उप मुख्यमंत्री श्री अरुण साव ह एकात्म मानववाद के प्रणेता, प्रसिद्ध विचारक अउर चिंतक पंडित दीनदयाल उपाध्याय के जयंती म ओ मन ल सादर नमन करिन। उमन बिलासपुर के पंडित दीनदयाल उपाध्याय उद्यान म उंखर प्रतिमा उपर माल्यार्पण करके श्रद्धांजलि अर्पित करिन। ओ मन ए बेरा म बिलासपुर नगर निगम कोति ले आयोजित स्वच्छता ही सेवा पखवाड़ा म घलोक सामिल होइन। उमन विधायक अऊ आन जनप्रतिनिधि मन के संग उद्यान म झाड़ू लगाके सफाई तको करिन।
उप मुख्यमंत्री श्री साव ह स्वच्छता मैराथन ल हरी झंडी देखाके रवाना तको करिन अउ स्वच्छता दीदी मन ल साड़ी अऊ किट घलोक वितरित करिन। ए बेरा म विधायक श्री धरमलाल कौशिक, श्री धरमजीत सिंह अऊ श्री सुशांत शुक्ला, जिला पंचायत के अध्यक्ष श्री अरुण सिंह चौहान, कलेक्टर श्री अवनीश शरण अऊ नगर निगम के आयुक्त श्री अमित कुमार घलोक स्वच्छता ही सेवा पखवाड़ा के तहत आयोजित कार्यक्रम म सामिल होइन।