मुख्यमंत्री ह रिर्पोट के अध्ययन करके फैसला के दीन आश्वासन
रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म कई ठन संगठन मन के पदाधिकारी मन ह सौजन्य मुलाकात करिन अऊ सामान्य वर्ग के आर्थिक रूप ले कमजोर मनखे मन ल छत्तीसगढ़ राज्य म 10 प्रतिशत आरक्षण देहे के अनुरोध करिन। मुख्यमंत्री श्री बघेल ह प्रतिनिधिमण्डल ले कहिन कि कोनो के संग अन्याय नइ होवय। विधि विभाग के रिर्पोट के अध्ययन करे के बाद ही ये संबंध म फैसला ले जाही। राज्य सरकार के वन मंत्री श्री मोहम्मद अकबर अऊ स्कूल शिक्षा मंत्री डॉ. प्रेमसाय सिंह टेकाम ये बेरा म उपस्थित रहिन।
ये मौका म राष्ट्रीय ब्राम्हण महासंघ के अध्यक्ष श्री प्रमोद गौतम, क्षत्रिय कल्याण संगठन के अध्यक्ष श्री सतेन्द्र सिंह गौतम, कायस्थ समाज के अध्यक्ष श्री अटल श्रीवास्तव, भोजपुरी समाज के अध्यक्ष श्री नरेश कुमार सुमन, बंगाली ब्राम्हण समाज के अध्यक्ष श्री सोमेन्द्र चटर्जी, अखिल भारतीय भोजपुरी साहित्य समाज के अध्यक्ष श्री मनोरंजन कुमार सिंह, विप्र वाहनी संघ के अध्यक्ष श्री राकेश गौतम संग संगठन मन के पदाधिकारी उपस्थित रहिन।