कृषि आय म बढ़ोतरी बर जल्द शुरू होही ’चिराग’ परियोजना

रायपुर, विश्व बैंक के सहायता ले बस्तर अऊ सरगुजा संग राज्य के आन क्षेत्र मन म निवास करत अनुसूचित जनजाति अऊ अनुसूचित जाति के किसान मन के आय म बढ़ोत्तरी के उद्देश्य ले राज्य म चिराग परियोजना (छत्तीसगढ़ एन्क्लुसिव रूरल एण्ड ऐक्सलीरेटेड एग्रीकल्चर ग्रोथ प्रोजेक्ट) के क्रियान्वयन जल्दीच शुरू करे जाही। एखर बर राज्य सरकार के कई ठन विभाग मन के योजना मन के समन्वित क्रियान्वयन करे जाही। आज मंत्रालय महानदी भवन म मुख्य सचिव श्री सुनील कुजूर अऊ विश्व बैंक के कन्ट्री डायरेक्टर (भारत) श्री जुनैद कमाल अहमद के उपस्थिति म चिराग परियोजना के तहत कई ठन विभाग मन कोति ले संचालित होवइया गतिविधि मन के विसय म संबंधित विभाग मन के सचिव स्तरीय अधिकारी मन ह जानकारी दीन।