रायपुर, वन, परिवहन, घर अऊ पर्यावरण, जलवायु बदलाव मंत्री अऊ कवर्धा विधायक श्री मोहम्मद अकबर ह मुख्य समारोह म ध्वजारोहण करिन। ध्वजारोहण के बाद राष्ट्रीय गान अऊ पुलिस जवान मन के बैंड के राष्ट्रगान के धुन म राष्ट्रीय सलामी दीन। मुख्य अतिथि कोति ले जनता के नाम मुख्यमंत्री के संदेश के वाचन करे गीस। मुख्य अतिथि ह स्वतंत्रता अऊ शांति के चिनहा सफेद कबूतर अऊ उल्लास के चिनहा रंग बिरंगा गुब्बारा आसमान म छोडि़न।
कवर्धा जिला मुख्यालय के आचार्यपंथ श्री गृंधमुनि नाम साहेब शासकीय स्नातकोत्तर महाविद्यालय मैदान म 75वां वर्षगांठ स्वतंत्रता दिवस समारोह उत्साह अऊ उमंग के संग मनाए गीस। स्वतंत्रता दिवस के अवसर म परेड कंमाडर आरआई श्री महेश्वर सिंह अऊ सेकेण्ड कमाण्डर श्रीमती शांता लकड़ा के नेतृत्व म 9 परेड दल मन ह आकर्षक मार्चपास्ट करके मुख्य अतिथि ल सलामी दीन। ये बेरा म 17 वीं वाहिनी, जिला पुलिस बल, होम गार्ड, फारेस्ट गार्ड, एनसीसी एसडी पीजी कॉलेज, एनसीसी एसडब्ल्यू पीजी कॉलेज, एनसीसी जेडी मालिक करपात्री स्कूल, एसडब्लयू के जवान मन ह मुख्य अतिथि ल सलामी दीन। मंच म मुख्य अतिथि के संग कलेक्टर श्री जनमेजय महोबे अऊ पुलिस अधीक्षक डॉ. लाल उमेंद सिंह विशेष रूप ले उपस्थित रहिन।
