कोसरिया मरार पटेल समाज पटेल के शाकम्भरी महोत्सव

  • शीतगृह बनाए बर मिलही सब्सिडी
  • छत्तीसगढ़ ल समृद्ध बनाए बर बचाना होही नरवा, घुरवा, गरवा अऊ बाड़ी
  • मवेशी मन के दइहान क्रांकीटीकरण बर होही पहल
  • मुख्यमंत्री ह नव विवाहित दम्पत्ति मन ल दीन आशीर्वाद
  • शाकम्भरी महोत्सव म सामिल होइन श्री बघेल

रायपुर, मुख्यमंत्री श्री भूपेश बघेल ह कहिन के छत्तीसगढ़ के मरार पटेल समाज एक मेहनतकश समाज हे। ए समाज के मनखे अपन मेहनत ले साग-भाजी के उत्पादन करके कुटुंब के पालन-पोषण करथे। मुख्यमंत्री श्री बघेल आज गरियाबंद जिला के राजिम के मेला मैदान म प्रदेश कोसरिया मरार पटेल समाज से आयोजित ‘शाकम्भरी महोत्सव अऊ युवक-युवती परिचय सम्मेलन’ ल सम्बोधित करत रहिन। ए अवसर म श्री बघेल ह मां शाकम्भरी देवी के पूजा-अर्चना करके प्रदेश के खुशहाली के कामना करिन। उमन महोत्सव स्थल म आयोजित सामूहिक आदर्श विवाह समारोह म विवाहित मरार पटेल समाज के नव दम्पत्ति मन ल सुखद गृहस्थ जीवन के आशीर्वाद दीन।
मुख्यमंत्री श्री बघेल ह कहिन कि साग-भाजी के जादा उत्पादन बर आधुनिक पद्धति मन ले जुड़े के जरूरत हे अऊ एखर बर शिक्षा घलोक जरूरी हे। उमन कहिन कि मरार पटेल समाज सोसायटी बनाके सामूहिक रूप ले सब्जी-भाजी के व्यवसाय कर सकत हें। पटेल समाज के मनखे मन कोति ले साग-भाजी के संरक्षण बर शीतगृह (कोल्ड स्टोरेज) के मांग म मुख्यमंत्री श्री भूपेश बघेल ह कहिन कि कहूं पटेल समाज के मनखे मिलके सोसायटी बनाथें, त ओ मन ल शासन कोति ले शीतगृह बर सब्सिडी देहे जाही। उमन कहिन के मिलके बड़े मात्रा म साग-भाजी मन के उत्पादन करके बिक्री बर प्रदेश ले बाहिर भेजे जाय, त सब्जि मन के जादा कीमत मिलही।
एखर अवसर म पूर्व विधायक श्री संतोष उपाध्याय, नगर पंचायत राजिम के अध्यक्ष श्री पवन सोनकर, नगर पालिका महासमुंद के अध्यक्ष श्री पवन पटेल, कोसरिया मरार समाज के प्रदेश अध्यक्ष श्री राजेन्द्र नायक, मरार समाज के प्रदेश संरक्षक श्री ब्रह्मदेव पटेल अउ पुरूषोत्तम पटेल, श्री रोशन पटेल, के.के. पाटिल, सुनील पटेल अउर पटेल समाज के प्रमुख पदाधिकारी अऊ बड़ संख्या म ग्रामीण उपस्थित रहिन।

लउछरहा..