गृह मंत्री ह छत्तीसगढ़ राज्य केश शिल्पी कल्याण बोर्ड कार्यालय के करिस शुभारंभ

रायपुर, गृह मंत्री श्री ताम्रध्वज साहू ह आज राजधानी रायपुर के गौतम नगर म छत्तीसगढ़ राज्य केश शिल्पी कल्याण बोर्ड कार्यालय के शुभारंभ करिस। उल्लेखनीय हे कि केश शिल्प एक पराम्परागत व्यवसाय के रूप म प्रचलित हे। मुख्यमंत्री श्री भूपेश बघेल ह ए व्यवसाय म संलग्न संवर्ग के समग्र विकास ल सुनिश्चित करे, कल्याणकारी योजना बनाए जाए, केश शिल्प म नवा तकनीक प्रणाली विकसित करे अउ शासन अउ संवर्ग के बीच समन्वय स्थापित करे जाए के निर्णय लिए हे। केश शिल्प ले जुड़े संवर्ग के हित ब सामाजिक-आर्थिक नीति तियार करे जाए ब समाज कल्याण विभाग अन्तर्गत ’छत्तीसगढ़ राज्य केश शिल्पी कल्याण बोर्ड’ के गठन करे गय हे। ’छत्तीसगढ़ राज्य केश शिल्पी कल्याण बोर्ड’ कार्यालय गुलाब नगर तीसरी गली, गौतम विहार, अमलीडीह रोड देवपुरी म स्थित जे। 
ए अवसर म मदरसा बोर्ड के अध्यक्ष श्री अल्ताफ अहमद, केश शिल्पी कल्याण बोर्ड अध्यक्ष श्री नंद कुमार सेन, उपाध्यक्ष श्री चित्रकांत श्रीवास, छत्तीसगढ़ श्रम कल्याण बोर्ड उपाध्यक्ष श्री केशव बंटी हरमुख, जिला पंचायत मुंगेली के अध्यक्ष श्रीमती लेखनी सोनू चन्द्राकर, केश शिल्पी कल्याण बोर्ड के सदस्य सर्वश्री विजय कुमार सेन, धनुष सेन, शीत श्रीवास, दिलीप लहरिया, सचिव श्री व्ही के उके अउ सहायक अनुसंधान अधिकारी श्रीमती लक्ष्मी माला मेश्राम समेत बोर्ड के अउ आने अधिकारी-कर्मचारी उपस्थित रहिस हे।