रायपुर। धान खरीदी म गरमाये सियासत के बाद भाजपा-कांग्रेस आमने-सामने आगे हे। गैस सिलेंडर के दाम म बढ़ोत्तरी अउ एससी-एसटी अउ ओबीसी आरक्षण म कटौती करे के विरोध म कल यानी 23 फरवरी के कांग्रेस विरोध-प्रदर्शन करही। केंद्र सरकार के नीति मन के खिलाफ रायपुर के गांधी मैदान म बिहनिया 11 बजे ले प्रदर्शन होही।
महिला कांग्रेस गैस सिलेंडर के दाम म वृद्धि ल लेके केन्द्र सरकर के विरोध म प्रदेश स्तर म गांधी मैदान रायपुर म विशाल धरना प्रर्दशन करही। बिना सब्सिडी वाले रसोई गैस सिलेंडर के दाम मन म 150 रुपए के वृद्धि कर दे गए हे। महिला कांग्रेस के मांग हे कि गैस सिलेंडर के दाम कम करें, नई त ये आंदोलन आगु अउ उग्र होही।
वहीं कांग्रेस सरकारी एससी, एसटी अउ ओबीसी वर्ग के आरक्षण म कटौती करे के विरोध म प्रदर्शन करही। कांग्रेस के प्रभारी महामंत्री ह सबो मोर्चा, प्रकोष्ठ मन ल पत्र जारी कर बोले हे कि एआईसीसी के निर्देश म संविधान के रक्षा बर देशभर म प्रदर्शन करही।