गोंडी म हाईस्कूल भवन निर्माण अऊ ग्राम परसकोल माध्यमिक शाला के हाईस्कूल म उन्नयन के घोषणा

रायपुर, भेंट-मुलाकात म मुख्यमंत्री श्री भूपेश बघेल ह कहिन कि गौठान म बनत रूरल इंडस्ट्रियल पार्क म आय मूलक गतिविधि मन के जादा ले जादा संचालन करे जाही। जेखर से सबो ल रोजगार मिलही। एखर बर राज्य के नवा औद्योगिक नीति के तर्ज म जल्देच ग्रामीण उद्योग नीति बनाए जाही। एखर से गांव के अर्थव्यवस्था मजबूत होही। मुख्यमंत्री आज रायपुर जिला के आरंग विधानसभा के ग्राम भानसोज म आयोजित भेंट-मुलाकात कार्यक्रम ल सम्बोधित करत रहिन। मुख्यमंत्री ह भेंट-मुलाकात के समय गांव वाले मन ले रू-ब-रू चर्चा करत होइन करजा माफी, समर्थन मूल्य म धान खरीदी, गौठान म संचालित आयमूलक गतिविधि, गोधन न्याय योजना, राजीव गांधी ग्रामीण भूमिहीन कृषि मजदूर न्याय योजना, राजीव गांधी किसान न्याय योजना, हाट बाजार क्लीनिक योजना अऊ सार्वजनिक वितरण प्रणाली के मैदानी स्थिति के जानकारी लीन।