गोधन न्याय योजना के हितग्राही मन ल 5.09 करोड़ रूपिया के राशि जारी
खेत मन म पहुंचिस 15 लाख क्विंटल वर्मी कम्पोस्ट
रासायनिक उर्वरक के बेहतर विकल्प बनिस वर्मी कम्पोस्ट
रायपुर, मुख्यमंत्री श्री भूपेश बघेल ह आज मुख्यमंत्री निवास कार्यालय म आयोजित वर्चुअल कार्यक्रम म गोधन न्याय योजना के 51वां किश्त के राशि 5 करोड़ 9 लाख रूपिया हितग्राही मन ल ऊंखर बैंक खाता म अंतरित करिन, जेमां गोबर विक्रेता मन ल 2 करोड़ 69 लाख रूपिया, गौठान समिति मन ल एक करोड़ 48 लाख रूपिया अऊ महिला समूह मन ल 93 लाख रूपिया के लाभांश राशि सामिल हे। मुख्यमंत्री श्री भूपेश बघेल ह कहिन कि गोधन न्याय योजना के अंतर्गत क्रय करे गए गोबर ले बने 15 लाख क्विंटल वर्मी कम्पोस्ट के किसान भाई मन ह अपन खेत मन म उपयोग करे हें। ये योजना के माध्यम ले हम गौ माता के सेवा के संगें-संग धरती माता के घलोक सेवा करत हें। खेत मन म रासायनिक उर्वरक मन के स्थान म वर्मी कम्पोस्ट के उपयोग सही म धरती माता के सेवा ये।
कार्यक्रम म स्कूल शिक्षा मंत्री डॉ. प्रेमसाय सिंह टेकाम, मुख्यमंत्री के सलाहकार श्री प्रदीप शर्मा, प्रमुख सचिव स्कूल शिक्षा डॉ. आलोक शुक्ला, कृषि उत्पादन आयुक्त डॉ. कमलप्रीत सिंह, सचिव स्कूल शिक्षा डॉ. एस. भारतीदासन, मार्कफेड के प्रबंध संचालक सुश्री किरण कौशल, प्रबंध संचालक पूरा शिक्षा श्री नरेन्द्र दुग्गा संग आन अधिकारी उपस्थित रहिन।