गौठान ले खुलिस तरक्की अउ खुसहाली के रद्दा

जैविक खातु बेच के समूह के महिला मन ल होइस लाखों के आमदनी
रायपुर, 27 जून 2023
गोधन न्याय योजना सुरू होए ले ग्रामीण इलाका म रोजगार के कतको नवा रद्दा खुलत हे। गौठान म गोबर बेचरि, वर्मी कम्पोस्ट, सुपर कम्पोस्ट निर्माण समेत आने अउ आर्थिक गतिविधि ले जुड़ के ग्रामीण मन घलो आर्थिक संपन्नता के डहर म आघू बाढ़त हे। बड़ संख्या म महिला मन घलो गौठान ले जुड़ के आर्थिक रूप ले मजबूत होवत हे। ये महिला मन अपन परिवार म आर्थिक भागीदारी के संग जरूरत ल पूरा करे म घलो अब अपन सहयोग देवत हे। 
बिलासपुर जिला के विकासखण्ड मस्तूरी के ग्राम पंचायत ठरकपुर म मां गायत्री स्व-सहायता समूह के महिला मन ह गौठान ले जुड़ के वर्मी खाद, सुपर कम्पोस्ट, केंचुआ उत्पादन के बुता सुरू करे हे, जेकर से ओमन ल बने आमदनी होवत हे। ये महिला मन आर्थिक सशक्तिकरण के संग म स्वावलंबन के दिशा म मिसाल बनत हे। समूह के अध्यक्ष श्रीमती विभूति कौशिक ह बताइस कि वर्मी खाद जैविक खेती के दिशा म आघू बढ़त किसान मन ब बढ़िया विकल्प हे। अभी तक उमन ह 753 क्विंटल वर्मी खाद अउ 370 क्विंटल सुपर कम्पोस्ट खाद के बेचरी कर डारे हे, जेकर से ओमन ल लगभग 2.50 लाख रूपिया के लाभ मिले हे। ओ पईसा से ओमन ह अपन घर के मरम्मत करवाईस हे। समूह के अउ आने महिला मन घलो अपन लईका मन के शिक्षा अउ आने घरेलू जरूरत पूरा करे ब ओइ पईसा के उपयोग करत हे। समूह के महिला मन ह ए महत्वाकांक्षी योजना ब राज्य सरकार ल धन्यवाद देत हुए कहिस कि मुख्यमंत्री श्री बघेल ज गोधन न्याय योजना सुरू कर गांव के तरक्की के रद्दा खोल दिए हे।
गोधन न्याय योजना ले ग्रामीण मन के जीवन म ख़ुशहाली लाए के बुता करे हे। इहां चलत आर्थिक गतिविधि ह घलो ग्रामीण मन के आजीविका ल बेहतर बनाए म मददगार साबित होइस हे। पशुपालक श्री लतेल पुरी गोस्वामी ज बताइस कि ओ ह 10 हजार रूपिया के गोबर गौठान म बेच डारे हे। ग्रामीण श्री रामकुमार पटेल ह खुसी जाहिर करत बताइस कि ओ ह अभी तक 35 हजार रूपिया के गोबर बेच डारे हे।
Success Stories
Neha Rathore