- क्षेत्र के मनखे मन ह कहिन कि कई बछर के जुन्ना मांग हो गे पूरा
- मुख्यमंत्री ह कहिन जल्दी होही कलेक्टर संग प्रशासनिक अधिकारी मन के पदस्थापना
रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म गौरेला – पेण्ड्रा – मरवाही क्षेत्र ले आए करीबन 300 आम नागरिक मन ह मुलाकात करके नवा जिला के सौगात बर मुख्यमंत्री के आभार व्यक्त करिन। गाजा-बाजा के संग मुख्यमंत्री निवास पहुंचके क्षेत्र के नागरिक मन ह मुख्यमंत्री के अभिनंदन करिन। ये बेरा म वन मंत्री श्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम सिंह घलोक उपस्थित रहिन।
गौरेला-पेण्ड्रा-मरवाही क्षेत्र ले आए मनखे मन ह कहिन कि उंखर कई बछर के जुन्ना मांग पूरा हो गए हे, अब क्षेत्र के समुचित विकास हो सकही। मुख्यमंत्री ह कहिन कि छोटे छोटे काम मन बर आप मन ल बिलासपुर आना परत रहिस, एखर बर पूरा दिन लग जात रहिस। नवा जिला बने ले प्रशासनिक कसावट आही अऊ उन्हें जनकल्याणकारी योजना मन के लाभ आसानी ले मिल सकही। नवा जिला बने ले मनखे मन ल बिलासपुर तक के सफर तय नइ करना परय, अब उन्हें उंखर समस्या मन के निराकरण आसानी ले हो सकही। मुख्यमंत्री ह कहिन कि नवा जिला म जल्दीच कलेक्टर अऊ आन प्रशासनिक अधिकारी मन के पदस्थापना करे जाही।
ये बेरा म सर्वश्री विजय केशरवानी, रतन केशरवानी, प्रशांत श्रीवास, अटल श्रीवास्तव, संजय अग्रवाल, घनश्याम सिंह ठाकुर, अमोल पाठक, वेद कुमार तिवारी, मनोज गुप्ता, राजेन्द्र ताम्रकार, विष्णु सोनी, रमेश साहू, योगेश तिवारी, आशोक शर्मा, पुष्पराज सिंह, संतोष साहू, मोहन शुक्ला, डॉ राजेन्द्र राय, उत्तम वासुदेव, श्री विभोर सिंह, गुलाब सिंह राज, अटल श्रीवास्तव, अभय नारायण राय संग बड़ संख्या म गौरेला-पेण्ड्रा-मरवाही के मनखे उपस्थित रहिन।