छत्तीसगढ़ के नवाचारी मशरूम उत्पादक ल मिलीस राष्ट्रीय सम्मान खेत मन म खुले म पैरा मशरूम उत्पादन बर श्री राजेन्द्र साहू सम्मानित

रायपुर, छत्तीसगढ़ के नवाचारी मशरूम उत्पादक किसान श्री राजेन्द्र कुमार साहू ल मशरूम उत्पादन म नवाचार अऊ उपलब्‍ध संसाधन मन के बनेच उपयोग बर राष्ट्रीय सम्मान प्राप्त होय हे। महासमुंद जिला के बसना विकासखण्ड के ग्राम पटियापाली के किसान श्री राजेन्द्र कुमार साहू ल मशरूम अनुसंधान निदेशालय, सोलन (हिमाचल प्रदेश) कोति ले प्रगतिशील मशरूम उत्पादक सम्मान ले नवाजे गए हे। श्री साहू ल ये सम्मान ऊंखर खेत मन म आमा के पेंड़ के तरी खुला म पैरा मशरूम उत्पादन के नवा तकनीक विकसित करे बर प्रदान करे गए हे। श्री साहू इंदिरा गांधी कृषि विश्वविद्यालय के मशरूम अनुसंधान प्रयोगशाला के वैज्ञानिक मन के मार्गदर्शन म पाछू 12 बछर ले मशरूम के उत्पादन अऊ विपणन करत हे। ओ मन अपन खेत मन म हरेक दिन 3 ले 5 किलो पैरा मशरूम के फसल लेवत हे जऊन ऊंखर खेत ले ही 200 ले 300 रूपिया प्रति किलो के दर म बिक्री हो जात हे।