छत्तीसगढ़ ल विकास के क्षेत्र म मिलत हे नवा पहिचान : मुख्यमंत्री श्री बघेल

मुख्यमंत्री ‘ओपन माईक’ कार्यक्रम म संघरिन
रायपुर, मुख्यमंत्री श्री भूपेश बघेल ह कहिस कि छत्तीसगढ़ ल विकास के दिशा म नवा पहिचान मिले लगे हे। हमार सरकार कती ले संचालित जनकल्याणकारी योजना के फलस्वरूप हर वर्ग के लोग म खुशहाली आए हे। इहां ग्रामीण अउ शहरी क्षेत्र, हर अंचल म रहोइया लोगन मन ल उन्नति के भरपूर अवसर मिले हे , जेकर से ओमन के स्थिति मजबूत होइस हे।
मुख्यमंत्री श्री भूपेश बघेल आज संझा राजधानी के एक निजी होटल म न्यूज-18 इंडिया कती ले आयोजित ‘ओपन माईक’ कार्यक्रम ल सम्बोधित करत रहिस हे। ओ ह हिन्दी न्यूज चैनल ‘न्यूज-18 इंडिया’ ले परिचर्चा के बेरा कहिस कि छत्तीसगढ़ के समन्वित विकास ब महात्मा गांधी के बताए रास्ता के अनुशरण करत हुए सुराजी गांव योजना के बेहतर ढंग ले संचालन करे जाथ हे। योजना के गांव, गरीब, किसान अउ मजदूर आदि वर्ग ल भरपूर लाभ मिलत हे, एकर से गांव-गांव के विकास सकेत ओमन ल स्वावलंबी बनाए के काम करे जाथ हे।
मुख्यमंत्री श्री भूपेश बघेल ह ए बेरा जनहित म संचालित विभिन्न योजना राजीव गांधी किसान न्याय योजना, गोधन न्याय योजना तथा राजीव गांधी ग्रामीण भूमिहीन कृषि मजदूर न्याय योजना आदि कार्यक्रम के बारे म बताइस अउ कहिस कि एमन सब से समाज के खासकर किसान, मजदूर, महिला, आदिवासी अउ युवा वर्ग संग गरीब अउ कमजोर वर्ग सकेत जम्मो वर्ग के लोगन मन के भलाई अउ उत्थान के काम होवत हे। इसने सुराजी गांव योजना, गोधन न्याय योजना, राजीव गांधी ग्रामीण भूमिहीन कृषि मजदूर न्याय योजना ले लोग मन ल सुगमता ले रोजगार मिलत हे। मुख्यमंत्री श्री बघेल ह ए बेरा प्रदेश म स्वास्थ्य, शिक्षा अउ रोजगार आदि विभिन्न क्षेत्र म चलत कार्यक्रम के घलो बिसेस रूप ले उल्लेख करिस।