बहिनी मन के राखी के फर्ज ल मुख्यमंत्री हर महीना पहली तारीक के करत हे पूरा
मुख्यमंत्री श्री विष्णु देव साय के कलाई म बहिनी मन ह बांधीन राखी
रायपुर, 20 अगस्त 2024। राजधानी रायपुर के तेलीबांधा निवासी गृहणी श्रीमती जैबुन निशा के कहना हे के छत्तीसगढ़ सरकार ह अपन जनहितैषी नीति मन ले समाज के सबो वर्ग संग महिला मन म आत्मसम्मान के भावना ल बढ़ाए हे। महतारी वंदन योजना ले महिला मन अऊ बहिनी मन के मान-सम्मान बाढ़े हे। राज्य के महिला मन के बेहतरी बर मुख्यमंत्री श्री विष्णु देव साय के सरकार ह महिला मन बर बहुत अच्छा काम करे हे। वोखर चार लड़की मन के शादी होए के बाद ओ ल घलोक शासन के योजना के लाभ मिलत हे। ओखर राशन कार्ड अऊ आयुष्मान कार्ड घलोक बने हे। वो ह बताइस के उम्रदराज होए म ओ ल आए दिन स्वास्थ्यगत समस्या आत रहिथे। स्वास्थ्यगत समस्या म महतारी वंदन योजना ले एक हजार रुपिया अऊ आयुष्मान कार्ड ले बहुत मदद मिल जाथे।
मुख्यमंत्री निवास म रक्षाबंधन के अवसर म महतारी वंदन योजना के 10 हितग्राही महिला मन ह मुख्यमंत्री श्री विष्णु देव साय के कलाई म राखी बांधके बहिनी के फर्ज निभाइन। एखर बदला म मुख्यमंत्री श्री विष्णु देव साय ह हर महीना के एक तारीक के ऊंखर खाता म एक हजार रुपिया के नियमित भुगतान जमा करे के भाई के वचन पूरा करत हें।