रायपुर, 21 जुलाई 2020। छत्तीसगढ़ खादी अउ ग्रामोद्योग के नवनियुक्त अध्यक्ष श्री राजेन्द्र तिवारी ह आज ग्रामोद्योग मंत्री गुरू रूद्रकुमार के उपस्थिति म राजधानी स्थित केयूर भूषण स्मृति परिसर स्थित बोर्ड के कार्यालय म पदभार ग्रहण करिस। ये मौका म नगरीय प्रशासन मंत्री डॉ. शिवकुमार डहरिया, राजस्व मंत्री श्री जयसिंह अग्रवाल, खाद्य मंत्री श्री अमरजीत भगत ह ओ मन ल नवा सौंपे गए दायित्व बर बधाई अऊ शुभकामना दीन।
ये बेरा म छत्तीसगढ़ राज्य गृह निर्माण मंडल के अध्यक्ष श्री कुलदीप जुनेजा, विधायक श्री सत्यनारायण शर्मा, रायपुर नगर निगम के महापौर श्री एजाज ढेबर, छत्तीसगढ़ खनिज विकास निगम के अध्यक्ष श्री गिरीश देवांगन, रायपुर विकास प्राधिकरण के अध्यक्ष श्री सुभाष धुप्पड़, समाज कल्याण बोर्ड के अध्यक्ष श्रीमती करूणा शुक्ला, महिला आयोग के अध्यक्ष डॉ. किरणमयी नायक, छत्तीसगढ़ वक्फ बोर्ड के अध्यक्ष श्री सलाम रिजवी, छत्तीसगढ़ हाथकरघा संघ के अध्यक्ष श्री मोतीलाल देवांगन, मुख्यमंत्री के सलाहकार श्री विनोद वर्मा अउ श्री रूचिर गर्ग ह घलोक श्री तिवारी ले मुलाकात करके ओ मन ल बधाई अऊ शुभकामना दीन।
कार्यभार ग्रहण करे के बाद श्री तिवारी ह बोर्ड के संचालित योजना अऊ कार्यक्रम मन के जानकारी लीन। ये बेरा म उमन खादीग्राम अऊ ग्रामोद्योग बोर्ड के प्रबंध संचालक श्री राजेश सिंह राणा अऊ बोर्ड के आन अधिकारी मन ले परिचय प्राप्त करिन।