रायपुर, मुख्यमंत्री श्री भूपेश बघेल के सियानी म छत्तीसगढ़ म शुरू होए कुपोषण मुक्ति अभियान के सकारात्मक परिणाम आगू आए लगे हे। राष्ट्रीय परिवार स्वास्थ्य सर्वेक्षण-5 के 2020-21 म जारी रिपोट के मुताबिक प्रदेश म 5 साल तक लइका मन के वजन के आंकड़ा देखे जाए त कुपोषण के दर 6.4 प्रतिशत कम होके 31.3 प्रतिशत हो गए हे। ये दर कुपोषण के राष्ट्रीय दर 32.1 प्रतिशत ले घलोक कम हे।
साल 2015-16 म जारी राष्ट्रीय परिवार स्वास्थ्य सर्वेक्षण-4 के मुताबिक प्रदेश म 5 साल तक के लइका मन म वजन के मुताबिक कुपोषण के दर 37.7 प्रतिशत अऊ राष्ट्रीय कुपोषण दर 35.8 प्रतिशत रहिस। साल 2020-21 के आंकड़ा के मुताबिक राष्ट्रीय कुपोषण के दर म जिहां सिरिफ 3.7 प्रतिशत के कमी आईस अऊ कुपोषण 32.1 प्रतिशत हे, उहें छत्तीसगढ़ ह 6.4 प्रतिशत कमी लाय म सफलता पाय हे।
जानबा हे कि श्री बघेल के पहल म महात्मा गांधी के 150वीं जयंती 2 अकटूबर 2019 ले प्रदेशव्यापी मुख्यमंत्री सुपोषण अभियान शुरू करे गए हे। एखर तहत कई ठन योजना मन ल एकीकृत करे के संग समन्वित प्रयास करे गए हे। जेखर परिणाम म प्रदेश के करीबन एक लाख 60 हजार लइका कुपोषण ले मुक्त होए हें।
छत्तीसगढ़ म कुपोषण मुक्ति अभियान ल बड़का सफलता: ढाई साल म करीब एक लाख 60 हजार लइका होइन कुपोषण मुक्त
