रायपुर, मुख्यमंत्री श्री भूपेश बघेल ह आज इहां राजधानी रायपुर के निवास कार्यालय म आयोजित जनचौपाल भेंट मुलाकात म प्रदेश के कई ठन हिस्सा ले आए अड़बड़ झन मनखे मन अऊ प्रतिनिधिमण्डल ले मुलाकात करिन अऊ ऊंखर कोति ले देहे गे आवेदन मन अऊ ज्ञापन म जरूरी कार्यवाही बर संबंधित विभागीय अधिकारी मन ल निर्देश दीन।
मुख्यमंत्री ह जनचौपाल म जरूरतमंद मन ल आर्थिक सहायता स्वीकृत करिन
मुख्यमंत्री श्री बघेल ह जनचौपाल म बिलासपुर के श्री शशीकांत कोन्हरे ल 30 हजार रूपिया के आर्थिक सहायता अऊ जगदलपुर के भैरमदेव वार्ड निवासी दिव्यांग श्री कमलेश श्रीवास्तव ल ऊंखर ईलाज बर 10 हजार रूपिया के आर्थिक सहायता स्वीकृत करिन। श्री कमलेश श्रीवास्तव एक्सीडेंट म घायल हो गे रहिन जिकर ईलाज चलत हे।
अइसनहे मुख्यमंत्री ह ग्राम खण्डसरा निवासी श्री मनोज कुमार सोनी ल 10 हजार रूपिया के आर्थिक सहायता, गुढ़ियारी रायपुर के श्री शत्रुघन लाल सोनी ल ईलाज बर 10 हजार रूपिया के आर्थिक सहायता, कवर्धा जिला के ग्राम दौसरी निवासी दिव्यांग श्री गंगाराम साहू ल 10 हजार रूपिया के आर्थिक सहायता, कवर्धा के ग्राम सोनबरसा निवासी दिव्यांग श्री देवकुमार टंडन ल 10 हजार रूपिया, रायगढ़ जिला तमनार निवासी दिव्यांग श्री जयकुमार गुप्ता ल 10 हजार रूपिया, बालोद जिला के दल्ली राजहरा निवासी श्री परमिला बाई ल 5 हजार रूपिया अऊ रायपुर जिला के धरसींवा के ग्राम तेन्दुआ निवासी श्री नंदकुमार नागवंशी ल 10 हजार रूपिया के आर्थिक सहायता स्वीकृत करे हे।
