रायपुर, मुख्यमंत्री श्री भूपेश बघेल ह आज इहां अपन निवास म आयोजित जनचौपाल भेंट-मुलाकात कार्यक्रम म भिलाई निवासी बॉडी बिल्डर श्री दिनेश साहू ल प्रोत्साहन स्वरूप स्वेच्छानुदान ले 50 हजार रूपिया के राशि स्वीकृत करिन। इहां बताना जरूरी हे कि श्री साहू के चयन दक्षिण कोरिया म होवइया 11वां वर्ल्ड बॉडी बिल्डिंग एण्ड फिजिक स्पोर्टस चैंपियनशिप 2019 म होय हे। ओ प्रतियोगिता म सम्मिलित होए बर ओ ल आर्थिक समस्या आवत रहिस। मुख्यमंत्री श्री भूपेश बघेल ह युवा बॉडी बिल्डर ल 50 हजार के राशि स्वीकृत करके प्रतियोगिता म सफलता बर शुभकामना दीन।
ये बेरा म वन मंत्री श्री मोहम्मद अकबर, कृषि मंत्री श्री रविन्द्र चौबे, महिला अऊ बाल विकास मंत्री श्रीमती अनिला भेंड़िया, विधायक श्री कुलदीप जुनेजा, श्री विकास उपाध्याय संग रायपुर नगर निगम के महापौर श्री प्रमोद दुबे उपस्थित रहिन।
इस समाचार को आप हिन्दी में इस कड़ी से पढ़ सकते हैं.
