जल जीवन मिशन : पहाड़ी कोरवा ग्राम राजपुर होइस हर घर जल श्रेणी म शामिल

विशेष जनजाति के 69 परिवार ल घरेलू नल कनेक्शन के माध्यम ले मिलत हे शुद्ध पेय जल
गांव वाले मन ह जाहिर करिन खुशी, मुख्यमंत्री ल दीन धन्यवाद
जशपुर, जिला मुख्यालय ले लगभग 70 कि.मी. दूरिहा भितघरा पंचायत के छोटकुन गांव राजपुर, जेकर आबादी 247 हे, जेमें प्रमुख रूप ले पहाड़ी कोरवा विशेष पिछड़ी जनजाति के मनखे निवास करथें। ए गांव म जल जीवन मिशन के अंतर्गत 2 उच्‍च स्तरीय एकल ग्राम योजना के संग सबो 69 ग्रामीण परिवार ल ऊंखर घर तक क्रियाशील घरेलू नल कनेक्शन के माध्यम ले शुद्ध पेय जल आपूर्ति करे जात हे।
जानबा हे के मुख्यमंत्री श्री विष्णुदेव साय ह जिला के विशेष पिछड़ी जनजाति के मनखे मन ल शासन के सबो योजना मन के लाभ शत् प्रतिशत देहे के निर्देश देहे हें। उमन दूरस्थ अंचल म निवासरत जनजाति समुदाय के मनखे मन ल कोनो प्रकार ले शासन के योजना मन ले वंचित झन होना परय ए खातिर शासन अऊ प्रशासन स्तर म हर संभव पहल करे बर कहे हें। इही कड़ी म लोक स्वास्थ्य यांत्रिकी विभाग जशपुर के उपखण्ड बगीचा के सहायक अभियंता श्री अभिषेक गुप्ता अउ उप अभियंता श्री विकास एक्का ह ग्राम राजपुर म विशेष ध्यान देके योजना ल जल्‍दी पूरा कराइस अउ काम पूरा होए म ए गांव के हर घर जल कार्यक्रम घलोक कर ले गए हे।
हितग्राही करूणा दास अऊ उहां के ग्रामवासी के कहना हे कि जल जीवन मिशन के आए के पहिली ओ मन कुंआ ले पानी भरत रहिन जेन बस्ती ले लगभग 500 मीटर दूर नीचे ढलान म हे। जिहां ले पानी लाना बहुतेच कठिन रहिस। अब घर म नल लगे ले पानी भरे कहूं नइ जाना परय। घर म पेयजल के सुविधा होए ले सबो गांव वाले मन ह खुशी जाहिर करत मुख्यमंत्री श्री विष्णु देव साय अऊ जिला प्रशासन ल धन्यवाद देहे हें।