सुराजी गांव गौठान म बनाए गए शेड म करत हे मशरूम के उत्पादन
चंडी दाई स्व सहायता समूह के महिला मन मशरूम के उत्पादन करत हुए स्वरोजगार के माध्यम ले स्वावलंबी बन अपन परिवार के भरण-पोषण बढ़िया से करत हे। एकर संग म दूसर स्व सहायता समूह के महिला मन ब ओमन प्रेरणास्रोत बनत हे। महिला मन के मानना हे कि ओमन के ए बुता ल आघू बढ़ोये म प्रमुख योगदान राज्य सरकार के महत्वाकांक्षी नरवा, गरूवा, घुरूवा अउ बारी योजना के हे, जेमा बनाए गए गौठान म जुडे़ के बाद एक गांव ले लेके दूसर गांव अउ शहर तक एमन के मशरूम के कारबार बगर गए हे अउ मशरूम उत्पादन ले समूह के महिला मन के आय म बढ़ोतरी होइस हे।
जांजगीर-चांपा जिला के जनपद पंचायत पामगढ़ जेकर ग्राम पंचायत चोरभट्ठी गौठान म मशरूम उत्पादन ले चंडी दाई स्व सहायता समूह के महिला मन जुडे़ हावय। समूह के अध्यक्ष श्रीमती रमेशरी कश्यप बतात हे कि महिला मन ल स्वावलंबी बनाए म शासन के अहम योगदान हे, जेकर द्वारा मशरूम के प्रशिक्षण ले लेके गौठान म शेड के निर्माण करा के दिए गए हे, नई त अइसे संभव नई रहीस कि महिला मन ल गांव म अतका बढ़िया रोजगार मिल सके।
समूह के महिला मन ह बताइस कि ओमन के मशरूम के मांग गांव समेत शहर तक बाढ़ गए हे। चोरभट्ठी गांव के छोड़ किरारी, तागा, तरौद म मशरूम के खपत होवत हे। एकर अलावा इहां ले अकलतरा, जांजगीर अउ बिलासपुर के लोग मन घलो मशरूम लेके जाथे, जेकर से ओमन के बढ़िया आमदनी होवत हे।