मुंगेली 15 जून 2020// कलेक्टर श्री पी. एस. एल्मा के मार्गदर्शन में सुदूर ग्रामीण अंचल शासकीय उच्च माध्यमिक विद्यालय कोना म पदस्त व्याख्याता श्रीमती सृष्टि शर्मा ह अपन लगनशीलता, निरन्तर कार्य करते रहे के अदभुत क्षमता ह जिला ल अंतः cg- school- पद ल आघु पेज म ला ही दिस । नायिका के उपाधि प्राप्त करइया मुंगेली जिला के पहली शिक्षिका ह निरंतर अध्यापन के अलावा शिक्षा विभाग के अउ सब्बो काम में अग्रणी भूमिका देत रहिस। जिला म संचालित बोर्ड कोचिंग, पी ई टी., सी. पी. एम. टी. कोचिंग क्लास में घलो अपन छुट्टी के दिन में विद्यार्थि ल सेवा देत रहीस। राज्य म चलत पढ़ई तुंहर दुवार वर्चुअल कक्षा में भी लगातार ऑनलाइन क्लास लेवत रहीस। ब्लॉग राइटर श्री विवेक ध्रुव (ब्याख्याता) बालोद ह बताइन कि श्रीमति शर्मा ह लइकामन के सबले ज्यादा शंका समाधान दूर कर अपन अन्दर छिपे प्रतिभा ल एक बार फिर साबित करे हें। एमन ल जिला में विशिष्ट शिक्षिका के दर्जा पहले ही ले प्राप्त हवय। श्रीमति शर्मा ह लइका मन के सदैव प्रकृति में छुपे विज्ञान ल जाने बर प्रेरणा स्रोत के कार्य करे हावयं।ये उपलब्धि म जिला कलेक्टर श्री पी. एस. एल्मा, जिला शिक्षा अधिकारी श्री जी. पी. भारद्वाज, जिला नोडल अधिकारी श्री पी. सी. दिब्या, सहायक परियोजना अधिकारी श्री आकाश परिहार, जिला मीडिया प्रकोष्ठ प्रभारी श्री राजेन्द्र क्षत्रिय ह बधाई दिन हें ।