जिला ल अउ जादा हरियर बनाय बर आगामी वर्षा ऋतु म वृहद पैमाना म करे जही पौधा रोपण

जिला ल अउ जादा हरियर बनाय बर आगामी वर्षा ऋतु म वृहद पैमाना म करे जही पौधा रोपण

कलेक्टर ह लीन समय सीमा के बैठक

मुंगेली 08 जून // कलेक्टर श्री पी.एस. एल्मा ह आज जिला कलेक्टोरेट स्थित मनियारी सभा कक्ष म समय सीमा के बैठक लीन। बैठक म जिला मे संचालित कइयों विकास अउ निर्माण कार्य के प्रगति के विस्तार पूर्वक समीक्षा करिंन। बैठक मे ओमन कहिन् कि जिला ल अउ जादा हरियर बनाय खातिर आगामी वर्षा ऋतु म वृहद पैमाना म पौधा रोपण करे जहि। पौधा रोपण नदी अउ सडक के तीरे तीर सहित जनपद पंचायत के खाली जगहा म करे जहि। जेखर बर जल्दी से जल्दी भूइया के चिन्हा करे के निर्देश दिन। बैठक मे कलेक्टर श्री एल्मा ह कहिन् कि जिला मे खाद्य प्रसंस्करण ईकाइ के स्थापना बर मुंगेली विकास खण्ड के ग्राम तरवरपुर , विकास खण्ड पथरिया के ग्राम हथकेरा अउ विकास खण्ड लोरमी के नवागांव बटहा मे भूइया ल छाँट लिये गय हे। जे भूइया म मसाला उद्योग, सब्जी प्रोसेसिंग के अलावा चिलिग प्लांट , राइस आईल प्लांट की स्थापना बर आवश्यक निर्देश दिये गिस। बैठक मे सामाजिक आयोजन अउ व्यक्तिगत कार्य के बांटे वन अधिकार पट्टा के संबंध मे भी जानकारी प्राप्त करिंन । इसनिहे प्रधिकरण के तहत् स्वीकृत कार्य के समीक्षा करे गिस अउ कार्य निर्धारित गुणवत्ता के साथ पूर्ण करे के निर्देश दिये गिस। बैठक मे श्री एल्मा ह खरीफ फसल बर करे तैयारि के समीक्षा करिन। स्कूल शिक्षा विभाग के विस्तार पूर्वक समीक्षा करत कक्षा पहली से आठवी तक के लइका मन ल मध्यान्न भोजन के रूप मे सूखा राशन जल्दी प्रदान करे के निर्देश दिन। इसनिहे ग्रामीण अर्थ व्यवस्था ल मजबूती प्रदान करे बर राज्य शासन के महत्वाकंक्षी योजना नरवा, गरूवा, घुरूवा, बारी योजना के भी विस्तार पूर्वक समीक्षा करके संबंधित ल आवश्यक निर्देश दिये गिस। बैठक मे लंबित भू-अर्जन के प्रकरण, मोर जमीन मोर मकान योजना, अविवादित नामांतरण ,बटवारा सीमाकन, शासकीय कार्यालय मे रैन वाटर हार्वेस्टिंग, लोक सेवा केंद्र म प्राप्त आवेदन पत्र अउ निराकरण के स्थिति के भी समीक्षा होइस। ये बखत जिला पंचायत के मुख्य कार्य पालन अधिकारी श्रीमति नुपूर राशि पन्ना, वनमंडलाधिकारी श्री कुमार निशांत, अपर कलेक्टर श्री राजेश नशीने, सब्बो अनुभाग के अनुविभागीय अधिकारी राजस्व अउ कई विभाग के जिला स्तरीय अधिकारी उपस्थित रहिंन।