ड्रोन तकनीक ले करे जात हे, नैनो यूरिया के छिड़काव

महासमुंद, प्रदेश म किसान अब खेती-किसानी म नवा तकनीक ल अपनावत हें। महासमुंद जिला के ग्राम जोगनीपाली म सनिच्‍चर के किसान मन के बीच ड्रोन तकनीक के माध्यम ले नैनो यूरिया के छिड़काव के प्रदर्शन करे गीस। ए बेरा म अधिकारी मन ह किसान मन ल पारंपरिक यूरिया के विकल्प के रूप म नैनो यूरिया के लाभ के परखर जानकारी दीन। किसान मन ल नैनो यूरिया के परयोग ले लागत म कमी, मिट्टी के उर्वरता म बढ़ोतरी अऊ पर्यावरणीय लाभ मन के बारे म बताए गीस।
कार्यक्रम म क्षेत्र के वरिष्ठ किसान अमृत पटेल, भोगलाल चौधरी, नेहरू चौधरी, चुम्बन लाल, बाबूलाल चौधरी, फागु लाल, शिवप्रसाद, वासुदेव साहू, गणेश साहू संग लगभग 30 किसान उपस्थित रहिन।