तूं मन ल तुंहर काम के बदौलत विदेश घूमे ल मिलीस: मुख्यमंत्री श्री भूपेश बघेल

मुख्यमंत्री श्री भूपेश बघेल ले सिंगापुर म आयोजित ईएसजी ग्रिट पुरस्कार समारोह म सम्मानित महिला मन ह करिन सौजन्य मुलाकात
वनवासी महिला मन ह ऊंच उड़ान भरके बनाइन अंतर्राष्ट्रीय पहिचान
सिंगापुर म छत्तीसगढ़ राज्य लघु वनोपज संघ संग जगदलपुर अऊ कोरबा के दू महिला स्व-सहायता समूह होइस पुरस्कृत
छत्तीसगढ़ ल लघु वनोपज प्रोसेसिंग के क्षेत्र म उत्कृष्ट काम बर मिलीस ग्रिट अवार्ड
रायपुर, मुख्यमंत्री श्री भूपेश बघेल ले आज इहां विधानसभा स्थित ऊंखर कार्यालय कक्ष म सिंगापुर म ईएसजी ग्रिट पुरस्कार समारोह म सम्मानित स्व-सहायता समूह के महिला मन ह सौजन्य मुलाकात करिन। मुख्यमंत्री श्री बघेल ह राज्य लघु वनोपज संघ संग वनधन केन्द्र मन के समूह मन ल उंखर ये महत्त्वपूर्ण उपलब्धि बर बधाई अऊ शुभकामना दीन। ये बेरा म वन मंत्री श्री मोहम्मद अकबर, अपर मुख्य सचिव श्री सुब्रत साहू, राज्य लघु वनोपज संघ के प्रबन्ध संचालक श्री संजय शुक्ला घलोक उपस्थित रहिन।
मुख्यमंत्री श्री बघेल के पूछे म माँ धारिणी करिन स्व-सहायता समूह बकावंड वन धन केन्द्र के सदस्य श्रीमती पद्मिनी बघेल ह बताइस कि उमन पुरस्कार समारोह म अपन बकावण्ड काजू के पूरा प्रोसेसिंग प्रक्रिया के बारे म जानकारी दीन। उमन मुख्यमंत्री ल बताइन कि अब ऊंखर समूह ह अपन छोटे से दुनिया ले एक बड़का दुनिया कोति अपन पहिली कदम बढ़ाए हे। हरिबोल स्व-सहायता समूह डोंगानाला, वनधन केन्द्र के सदस्य श्रीमती सरोज पटेल ह बताइस कि उमन समारोह म ऊंखर समूह कोति ले वनौषधि मन के संग्रहण ले ऊंखर प्रसंस्करण अऊ विक्रय तक के पूरा प्रक्रिया बताईस। महिला मन ह मुख्यमंत्री ल बताइस कि सिंगापुर बहुत सुंदर हे। उहाँ उमन चिड़ियाघर, पार्क, समुद्र, हॉलीवुड के संग ही शहर के हरियाली देखिन। मुख्यमंत्री श्री बघेल ह ओ मन ल बधाई देवत कहिन कि आप मन सबो ल आप मन के काम के बदौलत विदेश जाय के मौका मिलीस। जंगल ले निकलके सिंगापुर के सैर करे के मौका मिलीस। पहिली अधिकारी नेता मन ल विदेश घुमाए ले जात रहिन अब ओ मन आप मन ल ले जात हें, अइसन पहली पइत होय हे।
जानबा हे कि सिंगापुर म 22 अऊ 23 जुलाई के आयोजित ईएसजी ग्रिट पुरस्कार समारोह म छत्तीसगढ़ राज्य लघु वनोपज संघ संग जगदलपुर अऊ कोरबा के दू महिला स्व-सहायता समूह पुरस्कृत होए हे। प्रदेश ल लघु वनोपज प्रोसेसिंग के क्षेत्र म अंतर्राष्ट्रीय स्तर म ये महत्वपूर्ण उपलब्धि हासिल होए हे, जेखर तहत छत्तीसगढ़ ल संधारणीय विकास, गरीबी उन्मूलन अऊ महिला सशक्तिकरण बर अंतर्राष्ट्रीय पुरस्कार मिलीस। छत्तीसगढ़ राज्य बने के बाद ये पहिली बेरा ये, जब महिला स्व-सहायता समूह के सदस्य एक अंतर्राष्ट्रीय प्रतिष्ठित पुरस्कार प्राप्त करे बर विदेश यात्रा म गए रहिन।