दंतेवाड़ा: नारी शक्ति वंदन कार्यक्रम के तहत महिला मन ह सुनिन प्रधानमंत्री के संबोधन

दंतेवाड़ा, 17 मार्च 2024। जिला दंतेवाड़ा अंतर्गत राष्ट्रीय ग्रामीण आजीविका मिशन बिहान योजना के तहत नारी शक्ति वंदन कार्यक्रम रखे गए रहिस। जेमां पूरा देश के महिला स्व-सहायता समूह मन के महिला मन ल देश के प्रधानमंत्री माननीय श्री नरेंद्र मोदी जी संबोधित करिन। अपन संबोधन म प्रधानमंत्री ह मातृ शक्ति मन के वंदन अउ अभिवादन करत कहिन कि आज देश म महिला सबो काम मन म अग्रणी भूमिका निभावत हें अऊ स्व-सहायता समूह ले जुड़के अपन आजीविका मन ल सुदृढ़ करत हे। कार्यक्रम के सीधा प्रसारण विकासखंड कुआकोंडा अउ कटेकल्याण जिला मिशन प्रबंधन इकाई बिहान योजना के सहयोग ले रखे गए रहिस। कार्यकम म दुनों विकासखंड ले 1200 ले जादा मातृ शक्ति मन ह भाग लीन अऊ महिला मन ह प्रधानमंत्री ल धन्यवाद दीन। ए कार्यकम म क्षेत्रीय जनप्रतिनिधि श्री मंगल बघेल, श्री नंदलाल मुड़ावी, श्री राजमन ठाकुर मंडल अध्यक्ष श्री पतिराम हिकमी, मुख्य कार्यपालन अधिकारी अउ बिहान ले जिला कार्यकम प्रबंधक अउ विकासखंड परियोजना प्रबंधक अउ बिहान योजना के जम्‍मो सामुदायिक संवर्ग के उपस्थिति रहीस।