दंतेवाड़ा, 17 मार्च 2024। बाजार म बेंचइया रंग-गुलाल म केमिकल रहिथे जे ह त्वचा बर हानिकारक होथे। ए बात ल ध्यान म रखत मुख्यालय के चितालंका के पार्वती महिला ग्राम संगठन स्व सहायता समूह के दीदी मन ह हर्बल गुलाल बनाके एला अपन आय के साधन बनाए हे। काबर कि जिला दंतेवाड़ा म जहां पूर्ण रूप ले जैविक खेती करे जात हे अऊ ये जैविक जिला बने कोति अग्रसर हे उही क्रम ल आगू बढ़ात अब जिला म अलग-अलग समूह के 7 दीदि मन मिलके हर्बल गुलाल बनावत हे। ए हर्बल गुलाल ल बनाए म कोनो प्रकार के रसायन के उपयोग नइ करे जात हे, इहां जैविक साग-भाजी के उत्पादन बहुतायत होथे। तो अब ये गुलाल न केवल हर्बल बल्कि काफी हद तक जैविक घलोक हे ये मां प्रमुखतम अरारोट पाउडर, हरियर रंग बर पालक भाजी, लाल रंग बर लाल भाजी टेसू के फूल पीला रंग बर गेंदा के फूल कुछ हल्दी अउ आन सब्जी के उपयोग अउ सुगंध बर सुगंधित फूल के उपयोग करे गए हे अऊ ए प्रकार ले समूह के महिला मन पाछू 4 बछर ले सरलग हर्बल गुलाल बनावत हें। अऊ ऊंखर बनाए हर्बल गुलाल के होली उत्सव के अलावा आन पर्व उत्सव म बनेच डिमांड रहिथे। कुल मिलाके हर्बल गुलाल बनाके दीदि मन बनेच कमई करत हें।
