दुर्ग, किसान मन के फीडबैक ले ही गौठान मुख्यमंत्री के योजना बेहतर बनही , नीति, कृषि अउ ग्रामीण विकास सलाहकार श्री प्रदीप शर्मा अउ राज्य योजना आयोग के सदस्य श्री के. सुब्रमणियम ह पाटन ब्लाक के एम. जामगांव, पहंदा, ढौर अउ दुर्ग ब्लाक के ढाबा अऊ घुघुसीडीह माडल गौठान के निरीक्षण करत बेरा ये बात कहिन।
नरूवा, गरुवा, घुरूवा, बाड़ी अइसे योजना हे जेमां पुरखा मन के ज्ञान के विरासत हे अऊ ये परंपरा के रूप म मिले हे, आप मन के संग बइठने ले आप मन के समृद्ध विचार मन के लाभ मिलही हे अऊ हम ए योजना म अऊ उपयोगी बात ल संघेरथन। ये बात मुख्यमंत्री के कृषि सलाहकार श्री प्रदीप शर्मा ह पाटन अऊ दुर्ग ब्लाक के माडल गौठान के निरीक्षण करे के समय गांव वाले मन संग चर्चा करत कहिन। ए दौरान राज्य योजना आयोग के सदस्य श्री के. सुब्रमणियम अउ कलेक्टर श्री अंकित आनंद घलोक मौजूद रहिन।
ए बेरा म गांव वाले मन माडल गौठान म दरी बिछाए गीस अऊ देर तक किसान मन के बीच योजना के बेहतर क्रियान्वयन के संबंध म बात होइस। ये बरेा म दुनों तरफ ले अनुभव साझा करे गीस। गोठ बात के ये सार निकलिस के पुरखा मन के अनुभव के मुताबिक किसानी अउ पशुपालन के नवा समझ ल संघेर के उंकर क्रियान्वित करत अइसनहे माडल गौठान तैयार करे जाय जऊन ह पूरा गांव के तकदीर बदल हिदी। ए अवसर म जिला पंचायत सीईओ श्री गजेंद्र ठाकुर घलोक उपस्थित रहिन।