देखव वीडियो : बहुत जल्दी भारत अऊ छत्तीसगढ़ नक्सल मुक्‍त होही – राजनाथ सिंह

छत्तीसगढ़ म चुनाव प्रचार के समय आज चार विधानसभा क्षेत्र सरयपाली, सारंगढ़, प्रतापपुर अउ कोटा म जनसभा मन ल सम्बोधित करत भाजपा नेता अउ केन्‍द्रीय मंत्री राजनाथसिंह ह कहिस के किसान मन के हित म भाजपा के सरकार मन ह बहुत अकन काम करे हे। छत्तीसगढ़ म तो बड़का पैमाना म धान के ख़रीद होए हे अऊ बोनस घलोक देहे गए हे।
उमन कहिन के कांग्रेस जनता के बीच विश्वास अऊ विश्वसनीयता दूनो खो गे हे। किसान अऊ ग़रीब मन के संग कांग्रेस ह कई पइत छल करे हे। उमन कांग्रेस अपर आभा मारत कहिन के कांग्रेस ग़रीबी हटाओ कहिस फेर ग़रीब मन के शामत आ गे। कांग्रस बैंक मन के राष्ट्रीयकरण तो करिस फेर ओखर सामान्यीकरण जन-धन योजना के माध्यम ले मोदीजी ह करिस। राजनाथ जी ह कहिन के छत्‍तीसगढ़ म मुख्यमंत्री डॉ.रमन सिंह के नेतृत्व म, पंद्रा बछर म, करिश्माई काम होय हे। जब नवा राज्य बने रहिन त इहां बुनियादी सुविधा मन के घलोक अभाव रहिस। अटलजी ह छत्तीसगढ़ बना के इहां के दशा अऊ दिशा बदल दीन।
भाजपा कोति ले जारी विडियो के मुताबिक राजनांथ सिह ह छत्‍तीसगढ़ म कहिन के नक्लसवाद अपन आखरी चरण के दौर ले गुजरत हे बहुत जल्दी भारत अऊ छत्तीसगढ़ नक्सल मुक्‍त होही।


एहू ल पढ़व ..  कांग्रेस के पूर्व महापौर निर्मला यादव भाजपा म सामिल

लउछरहा..