देश के विकास म श्रमिक मन के योगदान ल नइ भुलाए जा सके: श्रम मंत्री श्री लखन लाल देवांगन

रायपुर, 05 मार्च 2024। श्रम, उद्योग अउ वाणिज्य मंत्री श्री लखन लाल देवांगन ह काली कोरबा जिला के बाल्को म शहीद वीर नारायणसिंह श्रम अन्न योजना अंतर्गत निर्माण, संगठित अउ असंगठित वर्ग के श्रमिक मन बर 05 रूपिया म भरपेट भोजन के व्यवस्था बर दाल-भात केंद्र के शुभारंभ करिन। उमन खुदे श्रमिक मन ल भोजन परोसिन अउ संग म भोजन घलोक करिन। उमन श्रमिक मन ले अपील करिन कि ओ मन ए दाल-भात केंद्र म भोजन अवश्य करयं। श्रम मंत्री ह ए पहल ल गरीब श्रमिक मन बर लाभदायक बतात श्रम विभाग अंतर्गत श्रमिक अऊ ऊंखर परिवार बर संचालित कई ठन योजना मन के जानकारी दीन। ए अवसर म उमन कहिन कि देश के विकास म श्रमिक मन के बड़का योगदान हे। श्रमिक मन ह सड़क, पुल-पुलिया, महल संग आन बड़े-बड़े काम करे हें। उद्योग मंत्री होए के नाते उंखर घलोक कोसिस हे कि प्रदेश म जादा ले जादा उद्योग स्थापित होवय अऊ छत्तीसगढ़ के युवा मन ल रोजगार मिलय।