नक्सलगढ़ म फेर बगरत हे ज्ञान के उजियारा

नक्सल प्रभावित सुकमा ज़िला के 123 बंद शाला मन के होइस फेर संचालन
45 शाला मन के पक्का भवन तियार, 49 भवन मन के निर्माण काम प्रगति म

सुकमा, राज्य सरकार कोति ले नक्सल क्षेत्र मन म विकास, विश्वास अऊ सुरक्षा के नीति अब रंग लावत हे। सुकमा ज़िला के कोण्टा विकासखंड म नक्सलवाद के चलते 15 साल ले बंद स्कूल मन ल फेर शुरू करे म सफलता मिले हे। एखर से सुदूर वनांचल म रहइया लइका मन के भविष्य संवरे लगे हे। संवेदनशील क्षेत्र चिंतलनार अऊ जगरगुंडा म सफलता ले फेर स्कूल संचालित करे जात हे। ए संवेदनशील क्षेत्र मन के स्कूल मन म अध्ययन-अध्यापन के काम स्थानीय युवा मन के मदद ले करे जात हे।
मुख्यमंत्री श्री भूपेश बघेल के विशेष पहल म बीते तीन बछर ले नक्सल प्रभावित क्षेत्र मन के बंद स्कूल मन ल दुबारा खोले के प्रयास ल बहुत बड़े सफलता मिलत हे। गांव वाले मन के सहयोग ले जिला प्रशासन ह पंचायत मन के माध्यम ले शाला संचालन बर झोपड़ि तियार करे हे। हर एक शाला बर अस्थायी शेल्टर निर्माण बर 40 हजार रूपिया के प्रावधान करे गए हे। अइसन सबो लइका जेन 15 बछर ले जादा समय तक शिक्षा ले वंचित रहे हें, उंखर शिक्षा सुविधा मन म कोनो कमी नइ होवय एखर बर प्रशासन सरलग काम करत हे।