नगरीय प्रशासन मंत्री डॉ. डहरिया ले चिटफंड कंपनी मन ले प्रभावित अभिकर्ता संघ के सदस्य मन ह करिन मुलाकात

रायपुर, नगरीय प्रशासन अऊ श्रम मंत्री डॉ. शिव कुमार डहरिया आज इहां शंकरनगर स्थित अपन शासकीय कार्यालय म चिटफंड कंपनी मन ले प्रभावित छत्तीसगढ़ अभिकर्ता अऊ उपभोक्ता सेवा संघ के अभिकर्ता मन ह मुलाकात करिन। संघ के प्रदेशाध्यक्ष श्री लक्ष्मीनारायण चन्द्राकर के नेतृत्व म मंत्री डॉ. डहरिया ले होए मुलाकात म बताइस कि ओ मन चिटफंड कंपनी मन ले प्रभावित हे। अभिकर्ता मन ह निवेशक मन के राशि देवाए बर मंत्री ले निवेदन करिन। मंत्री डॉ. डहरिया ह कहिन कि ओ मन ये संबंध म आगू के कार्रवाई बर मुख्यमंत्री ले बात करहीं। उमन शासन स्तर म गंभीरतापूर्वक विचार-विमर्श करके उचित कार्रवाई करे के आश्वासन दीन। ये बेरा म बेनीराम वर्मा, गणेश्वर निषाद, नरोत्तम साहू, किसनलाल साहू, छन्नू लाल यादव, संतोष साहू अऊ भुवनलाल धीवर संग बड़ संख्या म अभिकर्ता उपस्थित रहिन।