नरवा विकास कार्यक्रम : कैम्पा मद म साल 2020-21 म स्वीकृत दो तिहाई ले जादा काम होवत हे पूरा

रायपुर, राज्य सरकार के सुराजी गांव योजना के तहत ‘‘नरवा विकास कार्यक्रम’’ के अंतर्गत कैम्पा के वार्षिक कार्ययोजना 2020-21 के पार्ट-1 अऊ पार्ट-2 म 388 करोड़ रूपिया ले जादा के राशि के स्वीकृति देहे गए हे। ये मां 03 हजार 263 किलोमीटर लंबाई वाले 2030 छोटे-बड़े नाला मन के 5.86 लाख हेक्टेयर जल ग्रहण क्षेत्र म 44 लाख 34 हजार भू-जल संरक्षण संबंधी संरचना मन के निर्माण करे जात हे। वन अउ जलवायु बदलाव मंत्री श्री मोहम्मद अकबर ह बताइस कि इंकर निर्माण ले वनांचल के करीबन 05 लाख 86 हजार हेक्टेयर जमीन उपचारित होही।
राज्य म कैम्पा (छत्तीसगढ़ प्रतिकरात्मक वनरोपण निधि प्रबंधन अउर योजना प्राधिकरण) के अंतर्गत साल 2020-21 पार्ट-1 के तहत 01 हजार 92 छोटे-बड़े नाला म 20 लाख 76 हजार 484 भू-जल संरक्षण संबंधी संरचना मन के निर्माण बर करीबन 210 करोड़ रूपिया के राशि के स्वीकृति देहे गए हे। एमां ले अब तक 139 करोड़ रूपिया के राशि व्यय करके 18 लाख 60 हजार संरचना मन के निर्माण पूरा कर लेहे गए हे। एकर बने ले वनांचल के 03 लाख 60 हजार 777 हेक्टेयर जमीन उपचारित होही। अइसनहे साल 2020-21 पार्ट-2 के तहत 938 छोटे-बड़े नाला मन म 23 लाख 58 हजार 273 भू-जल संरक्षण संबंधी संरचना मन के निर्माण बर करीबन 178 करोड़ रूपिया के राशि के स्वीकृति देहे गए हे। एमां ले अब तक 45 करोड़ रूपिया के राशि व्यय करके 10 लाख 41 हजार संरचना मन के निर्माण पूरा कर ले गए हे। एकर निर्माण ले वनांचल के 02 लाख 24 हजार 838 हेक्टेयर जमीन उपचारित होही।