जिला गठन के संबंध म छत्तीसगढ़ राजपत्र म 11 नवंबर के सूचना प्रकाशित
नवा जिला मनेन्द्रगढ़-चिरमिरी-भरतपुर के प्रस्तावित स्वरूप अऊ सीमा मन के संबंध म आपत्ति अऊ सुझाव सूचना के प्रकाशन के दिनांक ले 60 दिन के अवधि म करे जा सकत हे
रायपुर, मुख्यमंत्री श्री भूपेश बघेल कोति ले स्वतंत्रता दिवस के अवसर म करे गए घोषणा के मुताबिक राज्य शासन कोति ले नवा जिला मनेन्द्रगढ़-चिरमिरी-भरतपुर के गठन के संबंध म छत्तीसगढ़ के राजपत्र म 11 नवम्बर 2021 के सूचना के प्रकाशन हो गए हे। राजपत्र म प्रकाशित सूचना के मुताबिक नवा जिला के संबंध म सूचना के प्रकाशन के दिनांक ले 60 दिवस के भीतर प्रस्ताव उपर आपत्ति अऊ सुझाव देहे जा सकत हे। नवा जिला के संबंध म आपत्ति या सुझाव लिखित म सचिव छत्तीसगढ़ शासन, राजस्व अऊ आपदा प्रबंधन विभाग मंत्रालय, महानदी भवन केपिटल कॉम्पलेक्स नवा रायपुर अटल नगर जिला-रायपुर ल ओ समयावधि के समाप्ति के पहिली भेजे जा सकत हे। नवा जिला मनेन्द्रगढ़-चिरमिरी-भरतपुर (एम.सी.बी.) के गठन के संबंध म राजपत्र म प्रकाशित सूचना के अनुसूची के मुताबिक सरगुजा संभाग के कोरिया जिला के सीमा ल बदल के नवा जिला मनेन्द्रगढ़-चिरमिरी-भरतपुर के सृजन करना अऊ ओखर सीमा मन ल परिभाषित करना प्रस्तावित करे गए हे।
छत्तीसगढ़ राजपत्र म प्रकाशित अनुसूची के मुताबिक नवा जिला मनेन्द्रगढ़-चिरमिरी-भरतपुर के गठन बर बदलाव के स्वरूप जिला कोरिया के उपखंड मनेन्द्रगढ़, तहसील मनेन्द्रगढ़ अऊ केल्हारी अऊ उपखंड भरतपुर, तहसील भरतपुर अऊ उपखंड खड़गंवा-चिरमिरी, तहसील खड़गंवा अऊ चिरमिरी ल समाविष्ट करत, नवा जिला मनेन्द्रगढ़-चिरमिरी-भरतपुर के सृजन प्रस्तावित करे गए हे। प्रकाशित सूचना के मुताबिक नवा जिला के सीमा उत्तर म तहसील कुसमी, जिला सीधी अऊ जिला सिंगरौली मध्यप्रदेश, दक्षिण म तहसील पोड़ा उपरोड़ा जिला कोरबा अऊ तहसील रामानुजनगर, जिला सूरजपूर छत्तीसगढ़, पूर्व म तहसील बैकुण्ठपुर अऊ सोनहत जिला कोरिया छत्तीसगढ़ अऊ पश्चिम म जिला गौरेला-पेंड्रा-मरवाही छत्तीसगढ़, अनूपपुर अऊ शहडोल मध्यप्रदेश हे।