नारायणपुर म एक महिना बाद दाई अउ नोनी के होइस मिलन: मां के छलछला गीस आंखी

नारायणपुर, 22 अप्रैल 2020। लॉकडाउन के पहिली नारायणपुर जिला के गांव रिंगबेड़ा के पति-पत्नी ईलाज कराए राजधानी रायपुर गए रहिन। ओ मन उहें फंस गीन। मां अपन 9 महिना के नोनी ल जिला ले 100 किलोमीटर दूर गांव जामगुड़ा म वोकर नानी तीर छोड़के गए रहिन। ईलाज के बाद सोमवार के रायपुर ले आश्रम के गाड़ी ले उमन नारायणपुर पहुंचिन। मां-बाप के ऑखी, व्यकुलता अऊ पीरा नोनी ले मिले बर तरस रहिस। जिला अऊ पुलिस प्रशासन ल खबर लगतेच मां-बाप ल काल रात जामगुड़ा सुरक्षित पहुंचाके नोनी ले मिलन करवाइस। अब बच्ची मां अऊ परिवार दुनों खुश हे। हुकुम मिलतेच रक्षित निरीक्षक श्री दीपक साव अऊ स्थानीय वालेन्टियर गाड़ी लेके गांव रिंगबेड़ा पहुंचिस। परिवार ल गाड़ी म बइठाके ऊंखर नोनी के नानी के इहां सकुशल पहुंचाइस। एक महिना बाद नोनी ल देख के मां के आंखी छलछला गीस।