चिकित्सा शिक्षा विभाग के सचिव श्री पी. दयानंद ह कॉन्क्लेव म सियान जतन क्लीनिक म दिस प्रस्तुतीकरण
साल भर म ही चार लाख ले जादा बुजुर्ग मन ल मिलीस सेवा, प्रदेश के 1174 आयुष संस्था म हर गुरूवार के लगथे सियान जतन क्लीनिक
रायपुर. 22 मई 2023
प्रदेश के आयुष संस्था मन म हर गुरूवार के संचालित सियान जतन क्लिनिक ल राष्ट्रीय स्तर म सराहना मिलीस हे। केन्द्रीय आयुष मंत्रालय कती ले हाल ही म नई दिल्ली के विज्ञान भवन म आयोजित नेशनल आयुष मिशन कॉन्क्लेव म चिकित्सा शिक्षा विभाग के सचिव श्री पी. दयानंद ह एकर बारेवम प्रस्तुतिकरण दिए रहिस हे। कॉन्क्लेव म नेशनल आयुष मिशन के अंतर्गत देश भर म संचालित उत्कृष्ट अउ अभिनव गतिविधि ल प्रस्तुत करे गईस। छत्तीसगढ़ म बुजुर्ग मन के स्वास्थ्य के देखभाल ब प्रारम्भ करे गए सियान जतन क्लीनिक ल भारत सरकार ह ए कॉन्क्लेव म विशिष्ट गतिविधि के रूप म शामिल करिस हे।
नेशनल आयुष मिशन कॉन्क्लेव म छत्तीसगढ़ के प्रतिनिधित्व करते हुए चिकित्सा शिक्षा विभाग के सचिव श्री पी. दयानंद ह सियान जतन क्लीनिक के उद्देश्य, कार्यप्रणाली अउ हितग्राही मन के जानकारी दिस। ओ ह बताइस कि प्रदेश के जम्मो 1174 शासकीय आयुष संस्था मन म हर गुरूवार के बुजुर्ग मन ब विशेष ओपीडी सेवा अउ पंचकर्म सेवा संचालित करे जाथे। पिछले साल मई म प्रारंभ होए ए क्लिनिक के माध्यम ले अब तक चार लाख ले अधिक वरिष्ठ नागरिक ल स्वास्थ्य सुविधाएं दिए जा चुके हे। कॉन्क्लेव म उपस्थित भारत सरकार के वरिष्ठ अधिकारि आ7 अन्य राज्य के अधिकारि मन ह सियान जतन क्लीनिक ल अनुकरणीय पहल बतात हुए ए तरह के क्लिनिक अपन-अपन राज्य म शुरू करे ब छत्तीसगढ़ कती ले जरूरी मार्गदर्शन अउ तकनीकी सहयोग प्रदान करे के आग्रह करिस हे।
