न्याय योजना मन ले किसान मन ल मिलत हे ताक़त : मुख्यमंत्री श्री बघेल

बिलासपुर, मुख्यमंत्री श्री भूपेश बघेल ह तखतपुर विधानसभा क्षेत्र के भेंट मुलाकात म कि किसान मन अऊ मजदूर मन के खीसा म पइसा जाय, इही सरकार के उद्देश्य हे। पहिली किसान मन के क़रजा बढ़ते जात रहिस। मनखे किसानी छोड़त रहिन। एला देखत हमन, सरकार बनतेच दू घंटा म किसान मन के क़रजा माफ़ करेन। खेती किसानी ल मजबूत बनाए न्याय योजना मन के शुरूआत करेन। श्री बघेल आज बिलासपुर जिला के तखतपुर विधानसभा के ग्राम बेलपान म आयोजित भेंट मुलाकात म गांव वाले मन ल सम्बोधित करत रहिन। उमन ये बेरा म गनियारी ल नगर पंचायत बनाए, ग्राम संकरीभांटा म मिनी स्टेडियम के निर्माण कराने के संग बेलपान मंदिर व मेला स्थल ल पर्यटन स्थल के रूप म विकसित करे संग कई घोसणा करिन।