रायपुर, 13 जुलाई 2021। नगरीय प्रशासन अऊ विकास अऊ श्रम मंत्री डॉ शिवकुमार डहरिया आरंग म छत्तीसगढ़ सरपंच संघ के सम्मेलन म सामिल होइन। उमन सरपंच मन ल संबोधित करत कहिन कि आप मन सबो निर्वाचित अऊ बहुतेच सम्मानित जनप्रतिनिधि आव। आप मन ल पारदर्शिता के संग काम करत गाँव के विकास बर पंचायत मन ल सशक्त अऊ आत्मनिर्भर बने के दिशा म काम करना चाही। सरकार कोति ले गाँव के विकास के संग गांव वाले मन के विकास बर योजना बनाय जात हे। आप मन सबो जिम्मेदारी के संग समर्पित होके गाँव के विकास बर काम करहू त गाँव के संग आप मन के घलोक पहिचान बाढ़ही।