रायपुर, वन अऊ परिवहन मंत्री श्री मोहम्मद अकबर कोति ले आज मंत्रालय (महानदी भवन) म नवा मोटर व्हीकल एक्ट छत्तीसगढ़ राज्य म लागू करे के संबंध म विधि अऊ विधायी अऊ परिवहन विभाग के वरिष्ठ अधिकारी मन के बैठक लीन। बैठक म नवा मोटर व्हीकल एक्ट ल छत्तीसगढ़ म लागू करे के संबंध म विधि विभाग ल परीक्षण बर भेजे के जानकारी दीए गीस। एखर बाद विधि विभाग ले रिपोट मिले म ओखर भली-भांति अध्ययन करके राज्य के जनता के हित म जऊन सबले बढ़िया अऊ उचित होही, ओला लागू करे के निर्णय लेहे जाही।
ये बेरा म प्रमुख सचिव विधि अऊ विधायी श्री रविशंकर शर्मा, प्रमुख सचिव परिवहन श्री मनोज पिंगुआ, संयुक्त परिवहन आयुक्त श्री डी. रविशंकर, उप परिवहन आयुक्त श्री अंशुमान सिंह सिसोदिया संग संबंधित विभागीय अधिकारी उपस्थित रहिन।