पर्यावरण संरक्षण बर रणनीति बनाके करना होही काम : मुख्यमंत्री श्री विष्णु देव साय

रायपुर, 05 मार्च 2024। मुख्यमंत्री श्री विष्णु देव साय ह कहिन हे कि जलवायु बदलाव पूरा विश्व बर विकराल समस्या हे। जलवायु बदले के प्रतिकूल प्रभाव मन के सेती अनियमित वर्षा, लंबा समय तक सूखा, चक्रवाती वर्षा, वर्षा ऋतु के समय म बदलाव जइसे चुनौती पूरा दुनिया के संग देश अऊ प्रदेश के आगू घलोक हे। एखर से निपटे बर हमला रणनीति तय करके प्रकृति ल बचाय अऊ पर्यावरण संरक्षण बर काम करना होही। मुख्यमंत्री आज राजधानी रायपुर के एक निजी होटल म दू दिन के ‘‘छत्तीसगढ़ क्लाइमेट चेंज कॉन्क्लेव 2024‘‘ ल संबोधित करत रहिन। उमन दीप प्रज्ज्वलित करके कॉन्क्लेव के शुभारंभ करिन।
वन अउ जलवायु बदलाव मंत्री श्री केदार कश्यप, विधायक अउ पद्मश्री सम्मानित श्री अनुज शर्मा, पद्मश्री श्रीमती फूलबासन यादव, पद्मश्री श्री हेमचंद मांझी अऊ पद्मश्री श्री जागेश्वर यादव, वन विभाग के अपर मुख्य सचिव श्री मनोज कुमार पिंगुआ, प्रधान मुख्य वन संरक्षक अउ वन बल प्रमुख श्री व्ही. श्रीनिवास राव संग वरिष्ठ अधिकारी, जनजाति समुदायों के प्रतिनिधि, वैद्यराज ए अवसर म उपस्थित रहिन।