पौष्टिकता ले भरपूर हे ढेकी कुटा चाउर

जशपुर के जीराफूल किसिम ले तियार करे जाथ हे पोषक चाउर
शहर मन में ढेकी के कुटाए चाउर के बाढ़त मांग अउ एकर पोषक मूल्य के सेती ए ह दिन प्रतिदिन लोकप्रिय होवत जाथ हे। ए चाउर म 40 प्रतिशत ले जादा आयरन, 50 प्रतिशत से जादा फाइबर अउ प्रचुर मात्रा म विटामिन होथे। जिला प्रशासन जशपुर के पहल म बालाछापर के महात्मा गांधी ग्रामीण औद्योगिक पार्क म एकर उत्पादन करे जाथ हे। एकर से महिला समूह प घलो रोजगार मिलत हे।
    मुख्यमंत्री श्री भूपेश बघेल ह हरदम ले अपन परंपरा के पाछु के वैज्ञनिकता ल सहेजे ब आग्रह करथे। हमार खानपान के अबड़ अकन परंपरा अइसे हे के स्वास्थ्य के प्रति सजग लोग मन ल आकृष्ट करत हे। अइसे ही हे ढेकी म कुटाए चाउर। चाउर के पालिश हो जाए ले एकर विटामिन बनेच हद तक नष्ट हो जाथे। ढेकी के चाउर पौष्टिक मूल्यों ले युक्त होथे। बालाछापर रीपा म धान ल ढेकी म कुट के चाउर निकाले जाथ हे अउ आकर्षक पैकेजिंग संग ब्राडिंग ले एकर बडे़ बजार तियार होवत हे।
    ढेकी म कुटाए चाउर म सबले जादा मांग जीरा फूल चाउर के हे। जशपुर जिला म जीराफूल चाउर के सबले जादा खेती अउ पैदावार होथे। सुगंधित किसिम के चाउर होए के सेती एकर मांग दूसर प्रदेश म घलो बाढ़त जाथ हे। वैदिक वाटिका के समर्थ जैन ह बताइस कि बालाछापर के 13 झन महिला मन ल ढेकी कुटा चाउर के प्रशिक्षण दिए जाथ हे अउ संग म चाउर के आकर्षक पैकिंग ब घलो प्रशिक्षित करे जाथ हे। ढेकी कुटा चाउर ले बेचरि सी-मार्ट के माध्यम ले करे जाथ हे।
    ढेकी के कुटाए चाउर पोषण के दृष्टिकोण ले उत्तम माने जाथे। एकर संग ही चाउर के ऊपरी आवरण संरक्षित रइथे। जेमा विटामिन ई ले मात्रा भरपूर पाये जाथे। चाउर म बेहतर पोषक गुण अउ 40 प्रतिशत ले जादा आयरन, 50 प्रतिशत ले जादा फाइबर होथे। प्राकृतिक शुद्धता होए के सेती ए चाउर ल दूसर दूसर प्रदेश म घलो पैकिंग के संग भेजे ले कार्य योजना तियार करे गए हे।
Success Stories
Neha Rathore